اسلام آباد۔24مارچ (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءِ سروکی ءَ دو شمبے ءَ اوگانستان ءَ گوں سیادی ءِ ھوالگ ءَ دیوان ءِ برجم دارگ بوت۔ دری کارانی کارگس ءِ نیمگ ءَ چہ جاڑی بوتگیں بیان ءِ رد ءَ اوگانستان ءِ واستہ پاکستان ءِ ھاسیں نمائندہ محمد صادق ءَ وتی گوستگیں کابل ءِ تر ءُ تاب ءِ بابت ءَ سرجمیں بریفنگ داتگ ءُ اوگان واکدار آنی گوما ھاسیں ھوار بوھگ ءُ دو نیمگی کمک ءِ ھوالگ ءَ گپ ءُ تران ءِ سر ءَ زور پر داتگ۔ نائب مزن وزیر ءَ پاکستان ءِ جیڈھ آنی گیواری ءُ دو نیمگی سیادی آناں دیمروئی دیگ ءِ واستہ اوگانستان ءِ عبوری حکومت ءِ گوما برجاھیں گپ ءُ تران ءِ ارزشت ءِ سر ءَ زور پر دات۔ گند ءُ نند ءَ سیکرٹری درئی کار ءُ وزارت ءِ درئی کار ءِ ایندگر مزنیں کارندہ آں ھم بھر زوری کتگ ۔
