اسلام آباد۔24مارچ (اے پی پی): امریکی چارج ڈی افیئرز نیٹلی اے بیکر ءَ مرچی اسلام آباد ءَ سینیٹ ءِ چیئرمین سید یوسف رضا گیلانی ءَ گوں گند ءُ نند کت اے گند ءُ نند ءَ دوئیں ملک آنی نیام ءَ راجدپتری ءُ دیریں سیادی آنی سر ءَ گپ ءُ تران کنگ بوت۔ l پاکستان ءُ امریکہ ءِ نیام ءَ سیکٹر ءُ سیکورٹی کمک ءِ سر ءَ گپ ءُ تران کنگ بوت، سینیٹ ءِ چیئرمین سید یوسف رضا گیلانی ءَ گوشت کہ امریکہ پاکستان ءِ دیریں شریک اِنت ءُ دوئیں ملک آنی نیام ءَ سیادی 7دہائی ءَ چہ گیش اِنت۔ آئی ءَ گوشت کہ پاکستان ءِ مزن وزیر ءِ بستار ءَ آئی ءَ 2008 ءَ امریکی صدر جارج بش ءُ 2012ءَ صدر بارک اوباما ءَ گوں گند ءُ نند کتگ، ایشی ءِ تہ ءَ آئی ءَ دو نیمگی کمک آناں گیش پراھی کنگ ءِ سر ءَ زور پر داتگ۔ سید یوسف رضا گیلانی ءَ گیش گوشت کہ امریکا پاکستان ءِ مستریں برآمدی مارکیٹ انت ایشی ءِ تہ ءَ بیپاری سیادی ءَ را گیش مھکم کنگ ءِ ضلورت انت۔ سینیٹ ءِ چیئرمین ءَ گوشت کہ پاکستان ءَ امریکی سرمایہ کاری ءِ واستہ مزنیں موہ است انت ءُ توانائی، انفراسٹرکچر، ءُ ٹیکنالوجی ءِ شوبگ ءَ گیش امریکی سرمایہ کاری ءِ ضلورت انت۔ آئی ءَ گوشت کہ کاروباری ماحول ءَ را گہتر کنگ ءَ چہ دوئیں معیشت آناں فائدگ رسیت ءُ دیمروئی ءِ واستہ نوکیں موہ پیداک بنت اے گپ ءِ سر ءَ ھم زور پر دات کہ موسمی بدلی، توانائی، ءُ کشت ءُ کشاری ءِ تہ ءَ یکوئی کمک ءَ را گیش کنگ بہ بیت تانکہ پاکستان ءُ امریکہ یکجائی ءَ نوکیں ٹیکنالوجی ءُ دیمروئی ءِ منصوبگ آنی سر ءَ کار بہ کن اَنت۔ سینیٹ ءِ چیئرمین ءَ گوشت کہ ناشرکاری ءِ ھلاپ ءَ جنگ ءَ پاکستان ءِ قربانی دگنیا ءِ دیم ءَ انت، جھان ءِ امن ءُ ایمنی ءِ واستہ پاکستان ءِ کرد المی انت۔ آئی ءَ گوشت کہ اوگانستان ءَ امن ءُ ایمنی ءِ واستہ پاکستان ءِ کرد کلیدی انت ءُ خطہ ءَ امن ءِ واستہ پاک امریکہ ءِ کمک وھد ءِ ضلورت انت ایشی ءِ سر ءَ ھم گند ءُ نند ءَ پارلیمانی سفارتکاری ءَ را گیش دیمروئی دیگ ءِ سر ءَ تپاک کنگ بوتگ۔ ایشی ءَ ابید بائیوٹیکنالوجی، خلائی پٹ ءُ پول ءُ مصنوعی ذہانت ءِ شوبگ ءَ کمک ءَ را گیش کنگ ءِ امکانات ءِ سر ءَ ھم گپ ءُ تران کنگ بوت چیئرمین سینیٹ ءَ گوشت کہ امریکہ ءَ نندوکیں پاکستانی کمیونٹی یک ھاسیں اثاثہ اِنت کہ ایشی ءَ چہ دوئیں ملک آنی نیام ءَ مردم آنی نیام ءَ سیادی ءَ را گیش مھکم کنگ بوت کنت۔ آئی ءَ گوشت کہ دوئیں ملک آنی نیام ءَ وانگ ءُ زانگ ءُ دود ءُ ربیدگی تبادلہ آناں دیمروئی دیگ ءَ چہ سیادی ءَ را گیش پراھی کنگ بیت سینیٹ ءِ چیئرمین سید یوسف رضا گیلانی ءَ گیش کت کہ پاکستان ءُ امریکا ءَ را نوآبادیاتی ءُ اقتصادی دیمروئی ءِ واستہ نوکیں موہ آناں پٹ ءُ پول کنگ لوٹ ایت۔ آئی ءَ گوشت کہ فوڈ سیکیورٹی ءُ کشت ءُ کشاری پیداوار ءَ را گہتر کنگ ءِ واستہ جدید کشت ءُ کشاری ءُ بائیو ڈائیورسٹی ءِ تہ ءَ امریکہ ءِ گوما شریکداری ءَ را گیش کنگ ءِ ضلورت اِنت چیئرمین سینیٹ ءَ گوشت کہ پاکستان ءَ جھان ءِ امن ءُ ایمنی ءِ واستہ بے کساس قربانی داتگ ءُ دوئیں ملک آنی سفارتی مشن اے سیادی ءَ را گیش مھکم کنگ ءَ اَنت۔ آئی ءَ اے گپ ءِ سر ءَ ھم زور پر دات کہ موسمی مٹ ءُ بدلی ءِ جیڈھ آنی گیواری ءِ واستہ یکجائی گامگیج المی اَنت ءُ اے درگت ءَ دوئیں ملک آنی نیام ءَ گیش کمک ءَ را گیش کنگ بہ بیت گند ءُ نند ءِ گڈ ءَ دوئیں سروک آں پاکستان ءُ امریکہ ءِ نیام ءَ سیادی ءَ را گیش مھکم کنگ ءُ وت مہ وتی کمک ءِ وسیلگ ءَ دیمروئی ءِ واستہ نوکیں موہ پیداک کنگ ءِ جزم ءِ درشان کت۔ دوئیں ملک آنی اُلس ءِ نیام ءَ سیادی ءَ را گیش مھکم کنگ ءُ سفارتی سیادی آناں گہتر کنگ ءِ واستہ برجاھیں رابطہ کاری ءِ برجاہ دارگ ءِ سر ءَ ھم تپاک کنگ بوت۔
