اسلام آباد۔24مارچ (اے پی پی): بنجاھی وزیر ءِ پجارینگ ءُ شنگکاری عطا اللہ تارڑ ءَ سماء نیوز ءِ ڈائریکٹر نیوز حافظ طارق محمود ءِ پت ءِ بیرانی ءِ سر ءَ دلپدردی ءُ رنج ءُ گم ءِ درشانی کتگ۔ دو شمبے ءِ روچ ءَ وتی دلپدردی بیان ءِ تہ ءَ بنجاھی وزیر ءِ اھوالکاری ءَ حافظ طارق محمود ءُ آئی ءِ ایندگر ھاندان ءِ مردم آنی گوما دلپدردی ءُ ھمدردی ءِ درشانی کت۔ آئی ءَ گوشت کہ حافظ طارق محمود ءِ پت ءِ بیرانی ءِ ھال ءِ اشکنگ ءَ چہ سک دلپدرد بوتگ۔ پِت ءِ بیرانی مزنیں سانحہ یے، بیران بوتگیں مردم ءِ بیرانی ءَ چہ پیداکیں ھالیگیں جاہ ھچبر پُر نہ بیت۔ ما اے غم ءِ ساھت ءَ ھاندان ءِ غم ءَ یک پیم ءَ بھر کنیں۔ آئی ءَ دعا کت کہ اللہ تعالیٰ بیران بوتگیں مردم ءَ وتی رحمت ءِ تہا مزنیں مقامے بہ دنت ءُ غم ءِ آماچیں ھاندان ءَ صبر ءُ اوپار بہ دنت۔
