کوئٹہ۔ 24 مارچ (اے پی پی) وزیراعلیٰ بلوچستان میر سرفراز بگٹی جمعیت علماء اسلام نا سروک مولانا فضل الرحمان تون اوڑدہی کرے۔ اوڑدہی ٹی سینیٹر مولانا عبدالواسع، بلوچستان اسمبلی ٹی قائد حزب اختلاف میر یونس عزیز زہری، باسک صوبائی اسمبلی سید ظفرآغا، مولانا صلاح الدین ایوبی، وزیراعلیٰ بلوچستان نا پرنسپل سیکرٹری بابرخان و ایلوفک ہم ساڑی ئسر۔ اوڑدہی ٹی بلوچستان اٹی امن وایمنی و جم حالیت آتیا گپ وتران کننگا۔ وزیراعلیٰ بلوچستان میر سرفراز بگٹی اوڑدہی آن پد ایکس آتینا پوسٹ اٹی پارے کہ صوبہ ٹی دیرپاامن و شونداری کن غٹ اسٹیک ہولڈر آتے اواری اٹ کاریم کروئی مریک، دہشت گرد آتا عزم ءِ بے سہب کینہ، بلوچستان ءِ پرامن و شونہال صوبہ اس جوڑ کینہ۔
