روچہ پیکج گلگت بلتستان ، آزاد کشمیر تون اوار مچ آملک اٹی درستی راستی کرفنگا، دا ماڈل ءِ ایلو حکومتی سکیم تیٹی تینا کننگے، وزیراعظم

اسلام آباد۔24 مارچ (اے پی پی) وزیراعظم محمد شہباز شریف پارینے کہ روچہ پیکج گلگت بلتستان و آزاد کشمیر تون اوار مچ آملک اٹی بے پرخ درستی راستی کرفنگانے ، روچہ ریلیف پیکج اٹی پیسہ غاتے حقدار آتسکان ڈیجیٹل والٹ انا بے کچ آسان و شفاف نظام نا کمک اٹ سرکننگ انگ ءِ، دا ماڈل ءِ ایلو حکومتی اسکیم تیٹی تینا کننگے۔ دوشنبے نادے آ وزیراعظم آفس نامیڈیا آفس آن جاری بیان نا رداٹ داخیال آتا درشانی ءِ او پرائم منسٹرروچہ ریلیف پیکج 2025 نا بابت جاچ دیوان آن تران کرساکرے۔ وزیراعظم روچہ ریلیف پیکج نا تھرڈ پارٹی آڈٹ کننگ نا پارت کرسا پارے کہ دا پیکج ءِ شفاف کننگ کن اسٹیٹ بینک ، نادرا و ٹیک ادارہ غاتا کوشست ستاکڑزک۔ اوپارے کہ روچہ پیکج مچ آپاکستان بشمول گلگت بلتستان و آزاد کشمیر کن بے پرخ درستی راستی کرفنگانے، روچہ ریلیف پیکج اٹی پیسہ غاتے حقدار آتسکان ڈیجیٹل والٹ انا بے کچ آسان و شفاف نظام نا کمک اٹ سرکننگ انگ ءِ۔ وزیراعظم پارت کرے کہ دا ماڈل ءِ ایلو حکومتی اسکیم تیٹی ہم تینا کننگے و روچہ ریلیف پیکج نا بابت ٹیلی کام کمپنی و بینک آتا کنڈآن چلیفنگوک آ آگہی مہم ءِ پین گچین کننگ  و دا بابت اسہ جوان ءُ رپورٹ اس ترتیب تننگے۔ داوخت آ دیوان ءِ روچہ ریلیف پیکج 2025نا بابت پیش رفت آ حوال اٹی پاننگاکہ داتم اسکان 63 درسد حقدار آتے زر سرکننگانے، داوڑنا غٹ حقدار بندغ آتے ہرافتے زر ملانے اونا غٹ تر دستاویزی سرجم ساڑی ءِ ۔ وزیراعظم روچہ ریلیف پیکج نا بابت 2224ملاز م ڈیوٹی آ سلوک ءُ۔ دیوان ءِ پاننگانے کہ روچہ ریلیف پیکج نا بابت داتم اسکان یک و نیم ملین آن زیات حقدار آتے ٹیل فون کالز کننگانے۔ دیوان اٹی بنجائی وزیر قومی غذائی رکھ رانا تنویر حسین، بنجائی وزیر اقتصادی امور احدخان چیمہ، بنجائی وزیر حوالکاری و شینکاری عطاء اللہ تارڑ، بنجائی وزیر انفارمیشن ٹیکنالوجی و ٹیلی کام شزافاطمہ، بنجائی وزیر پیٹرولیم علی پرویز ملک، وزیراعظم نا خصوصی کمکار ہارون اختر، چیئرمین نادرا، چیئرمین پی ٹی اے و تعلقدار سرکاری آفیسر و روچہ ریلیف پیکج نا بابت کمکار نجی کمپنی تا نمائند ہ غاک بشخ ہلکر۔