اسلام آباد۔ 24 مارچ (اے پی پی) اسپیکر قومی اسمبلی سردار ایاز صادق سماء ٹی وی نا ڈائریکٹر نیوز حافظ طارق محمود و نیوزون نا کنٹرولر نیوز عارف محمود نا باوہ نا کزیت آ ہڑزخواہی نا درشانی ءِ کرینے۔ دوشنبے نادے آ او حافظ طارق محمود و عارف محمود ناباوہ نا کزیت آ ڈکھیائی و است ہسونی نا درشانی ءِ کرے و پارے کہ ایماندار نا خاہوت نا ڈکھیائی ٹی بریبر نا شریک اُٹ۔ اسپیکر قومی اسمبلی اللہ تعالیٰ غان ایماندار نا درجہ غاتا بڑزی کن دعا کرے و پارے کہ اللہ تعالیٰ حافظ طارق محمود، عارف محمود و اونا خاہوت ءِ دا صدمہءِ سگنگ کن صبر وجمیل عطاکے۔
