لاہور۔23مارچ (اے پی پی):منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاکستان ءِ دو مزنیں چیلنج اقتصادی ءُ مالیاتی استحکام ءُ موسمیاتی بدلی انت، ایشی ءِ واستہ اودان پاکستان ءِ اقتصادی بدلی ءِ منصوبگ ءِ گوما یک ھمگرنچ ءُ موثریں اسٹریٹجک ءِ ضلورت انت۔ یک شمبے ءِ روچ ءَ ادا سارک چیمبر آف کامرس اینڈ انڈسٹری ءِ سینئر کاروباری رہشون ءُ پیسریگیں صدر افتخار علی ملک ءَ گوں تران کنان ءَ آئی ءَ گوشت کہ اے گامگیج ءِ مول ءُ مراد دراجیں مدت ءِ راجی وشھالی ءِ واستہ صنعت ءُ وانگ ءُ زانگ ءِ شوبگ ءِ نیام ءَ سیادی ءَ را گیش مھکم کنگ اِنت، معیشت ءَ را نوآبادیاتی ءُ چاگردی دیمروئی ءِ راہ ءَ ایر کنگ اِنت۔ آئی ءَ گوشت کہ آئی ءِ وزارت پالیسی اصلاحات، پٹ ءُ پولی ترغیب، ءُ ادارگی شریکداری ءِ وسیلگ ءَ اے کمک ءَ را مھکم ءُ آسراتی ءِ واستہ جزم اِنت۔ پروفیسر احسن اقبال ءَ افتخار علی ملک ءِ کاروباری چاگرد ، ملک ءِ اقتصادی دیمروئی ، چاگردی تابکاری ، ءُ صنعتی کاری ءِ رفتار ءَ را ترند کنگ ءِ ھاتر ءَ بے مٹیں ءُ جوانیں ھزمت آنی ستا کرتگ ۔ افتخار علی ملک ءِ نیمگ ءَ دیم داتگیں سوج ءُ پنت ءُ شون آں مدام ساڑا آں ءُ ایشاں سک باز ارزشت ءَ دنت ۔ آئی ءَ گیش گوشت کہ کاروباری ءُ صنعتی شوبگ آنی تہ ءَ آئی ءِ سروکی یک مھکمیں ءُ وت واجہیں پاکستان ءِ مئے مشن ءَ را دیم ءَ برگ ءَ اِنت۔ آئی ءَ گوشت کہ دیمروئی پسند پالیشی آنی سر ءَ عمل کنگ ءِ واستہ افتخار علی ملک ءُ ایندگر اسٹیک ہولڈر آنی گوما ھمک ساھت ءَ کار کنگ ءَ تیار آں۔ افتخار علی ملک ءَ وفاقی وزیر پروفیسر احسن اقبال ءِ منت گپت ءُ ملک ءِ دیمروئی ءُ وشھالی ءِ واستہ آئی ءِ کوشست آنی تہ ءَ سرجمیں ءُ ھرچ وڑیں کمک ءِ دل یکیمی دات۔
