مزن وزیر محمد شہباز شریف ءَ گوشت کہ شمسی توان ءِ ھوالگ ءَ حکومت ءِ پالیشی ءُ اولویت آنی تہ ءَ ھچ وڑیں بدلی نہ اتکگ، جنریشن کمپنی آنی نجکاری ءِ ھوالگ ءَ دراہیں کانودی ءُ اے دگہ جیڈھ زوتاں چہ زوت گیش ءُ گیوار کنگ بہ بنت

اسلام آباد۔23مارچ  (اے پی پی):مزن وزیر محمد شہباز شریف ءَ سیادی داروکیں واکدار آناں ہدایت کتگ کہ آ راستی ءُ کچ ءُ  کساس  ءِ بنیاد ءَ سولرائزیشن پالیسی ءِ ھوالگ ءَ الس ءِ تہ ءَ دراھیں ابہاماں چہ ھلاس بہ کن اَنت ءُ گوشت کہ حکومت ءِ پالیشی ءُ اولویت آنی تہ ءَ ھچ وڑیں بدلی نہ بوتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر مزن وزیر محمد شہباز شریف ءِ سروکی ءَ یک ھاسیں جائزہ ءِ دیوان برجم دارگ بوتگ۔ شمسی توانائی ءِ ھوالگ ءَ حکومت ءِ پالیسی ءُ اولویت آنی تہ ءَ ھچ وڑیں بدلی نہ بوتگ مزن وزیر ءَ گوشت کہ جنریشن کمپنی آنی نجکاری ءِ ھوالگ ءَ سرجمیں قانونی ءُ دگہ جیڈھ آناں زوت چہ زوت کنگ بہ بیت۔ بجلی ءِ بھر ءُ بانگ ءِ کمپنی آنی نجکاری ءِ عمل ءَ را ترند کنگ ءِ ہدایت کنان ءَ آئی ءَ گوشت کہ بجلی ءِ نرخ آنی تہ ءَ کمی ءِ واستہ یک سرجمیں ءُ موثر حکمت عملی ءِ چیر دستی ءَ یک پیکج ءِ تیاری کنگ بوھگ ءَ اِنت، ایشی ءِ جار زوت کنگ بیت بجلی ءِ شوبگ ءَ اصلاحات آنی سبب ءَ الس ءَ را بجلی ءِ نرخ آنی تہ ءَ گیش ریلیف پجاری کنگ بیت۔ مزن وزیر ءَ گوشت کہ توان ءِ شوبگ ءِ ھوالگ ءَ یک جامع حکمت عملی ءِ واستہ مزن وزیر ءَ بجلی ءِ ڈویژن، آپی وسیلگ ڈویژن ءُ پٹرولیم ڈویژن ءِ نیام ءَ ھمگرنچی ءَ را گیش گہتر کنگ ءِ ہدایت کت وھدیکہ دیوان ءَ وفاقی وزیر بجلی ءِ ڈویژن سردار اویس احمد لیغاری ءَ شریک بوت۔ اقتصادی امور احد خان چیما ءُ مزن وزیر ءِ مشیر محمد علی ءَ ویڈیو لنک ءِ وسیلگ ءَ گند ءُ نند ءَ بہر زرتگ۔