اسلام آباد۔23مارچ (اے پی پی):وفاقی تہی کارانی وزیر محسن نقوی ءَ پاکستان روچ ءِ درگت ءَ راج ءَ را مبارک بات دیگ ءِ ساھت ءَ گوشت کہ 23 مارچ مارا مئے پیرین آنی قربانی ءُ کوشست آنی یات ءَ دنت پاکستان روچ ایوک ءَ وشی ءِ موہ نہ اِنت بلکینگ ءَ آیوکیں وھد ءِ دیم ءَ مئے ذمہ واری آنی یات ءَ ھم کیت۔ آئی ءَ یک شمبے ءِ روچ ءَ وتی پیغام ءِ تہ ءَ گوشت کہ ما وتی اختلاف آناں شموشکار بہ بئیں ءُ وتی مھروانیں وطن ءِ مفاد آناں اولیت بہ دئے ایں ءُ ملک ءِ دیمروئی ءُ وشھالی ءِ واستہ یکوئی بہ کن ایں آئی ءَ گوشت کہ 23مارچ مارا یکوئی، قربانی ءُ جزم ءِ نوک کنگ ءِ سبق ءَ دنت۔ ملک ءِ دیمروئی ءُ وشحالی ءِ ھاتر ءَ مئے مھروانیں وطن ءِ مفادات ءَ را اولیت دیگ ءَ محسن نقوی ءَ گوشت کہ زبانی جم کنگ ءِ بدل ءَ پاکستان ءِ سرزمین مئے واستہ یک مزنیں سوگات ءِ ذمہ واری اِنت کہ آ وفاقی ءِ دیم ءَ بہ کپ اَنت۔ کہ ہر پاکستانی ءَ را راجی ایمنی، دیمروئی ءُ استحکام ءِ ھاتر ءَ وتی سرجمیں کرد پیلو کنگی اِنت۔پاکستان ءَ ناشرکاری ءُ آشوب ءِ شنگ کنوک آنی واستہ جاگہ نیست آئی ءَ گیش گوشت کہ ناشرکاری ءُ انتہا پسندی ءِ ھلاپ ءَ جنگ برجاہ اِنت ءُ ایشی ءِ سرجمیں ھلاسی ءَ تاں برجاہ مانیت بیا اِت کہ ما مرچی یکجاھی ءَ کار کنگ ءِ جزم ءَ بہ کن اِیں ۔
