اسلام آباد۔23مارچ (اے پی پی):وفاقی داخلہ ءِ وزیر محسن نقوی ءَ نوشکی ءِ دمگ گری آباد ءِ نزیک ءَ پولیس ءِ موبائل ءِ سر ءَ تیرگواری ءِ وئیل ءِ سک باز مذمت کتگ ءُ وتی جان ندر کنوکیں چاریں پولیس کارندہ آناں شگر ءُ منت گپتگ۔ وزیر توکی کار ءَ وتی بیان ءِ تہ ءَ شھید آنی گس آنی گوما دلپدردی ءِ درشانی کت ءُ گوشت کہ پولیس ءِ تمردیں بچ آں راج ءِ رکھینگ ءِ واستہ وتی سر ندر کتگ اَنت، ایشانی کُربانی ءَ را ما سلام پیش کن ایں ۔ محسن نقوی ءَ وتی جزم ءِ درشان کت کہ شھید بوتگیں پولیس کارندہ آنی قربانی کدی ھم بے سوب نہ بیت ءُ سرجمیں راج وتی رکھوک آنی ھمراہ ءَ اوشتاتگ۔ آئی ءَ گیش گوشت کہ بلوچستان ءَ امن ءُ ایمنی ءِ دژمن آنی نا شریں نیت بے سوب بنت۔
