اسلام آباد۔23مارچ (اے پی پی):مزن وزیر محمد شہباز شریف ءَ گوشت کہ قابل تجدید توانائی ءِ دیمروئی حکومت ءِ اولویت اِنت شمسی توانائی ءِ ھوالگ ءَ حکومت ءِ پالیشی ءُ اولویت آنی تہ ءَ ھچ وڑیں بدلی نہ بوتگ ایشی ءِ سبب ءَ مزن وزیر ءِ نیمگ ءَ چہ گیش ریلیف ءِ جیڈھ ءَ را دیم ءَ برگ بیت۔ s آفس پریس ونگ ءَ یک شمبے ءِ روچ ءَ مزن وزیر محمد شہباز شریف ءِ سروکی ءَ پاور ڈویژن ءِ کار آنی ھوالگ ءَ ھاسیں جائزہ دیوان برجم دارگ بوت اے موہ ءِ سر ءَ مزن وزیر ءَ گوشت کہ قابل تجدید توانائی ءِ دیمروئی حکومت ءِ اولی کار اِنت۔ آئی ءَ سیادی داروکیں واکدار آناں ہدایت کت کہ آ حقائق ءُ اعداد و شمار ءِ بنیاد ءَ سولرائزیشن پالیشی ءِ ھوالگ ءَ الس ءِ تہ ءَ دراھیں ابہام آناں ھلاس بہ کن اَنت ءُ گوشت کہ شمسی توانائی ءِ ھوالگ ءَ حکومت ءِ پالیشی ءُ اولویت آنی تہ ءَ ھچ وڑیں بدلی نہ بوتگ مزن وزیر ءَ گوشت کہ کمپنی ءِ ھلاسی ءِ ھوالگ ءَ درستیں کانود ءُ ایندگر جیڈھ آناں زوت ھلاس کنگ بہ بیت۔ مزن وزیر ءَ بجلی ءِ بھر ءُ بانگ ءِ کمپنی آنی نجکاری ءِ عمل ءَ را ترند کنگ ءِ ہدایت کنان ءَ گوشت کہ بجلی ءِ نرخ آنی تہ ءَ کمی ءِ واستہ یک جامع ءُ موثر حکمت عملی ءِ چیر دستی ءَ یک پیکج ءِ تیاری کنگ بوھگ ءَ اِنت، ایشی ءِ جار زوت کنگ بیت بجلی ءِ شوبگ ءَ اصلاحات آنی سبب ءَ الس ءَ را گیش الیکٹرک ریلیف پجاری کنگ بیت۔ مزن وزیر ءَ توانائی ءِ شوبگ ءِ واستہ یک سرجمیں حکمت عملی ءِ جوڑ کنگ ءِ واستہ پاور ڈویژن، واٹر ریسورسز ڈویژن ءُ پٹرولیم ڈویژن ءِ نیام ءَ ھمگرنچی ءَ را گیش گہتر کنگ ءِ ھم ہدایت کتگ۔ گند ءُ نند ءَ وفاقی وزیر برائے بجلی ءِ بہر ءُ بانگ سردار اویس احمد لغاری، مزن وزیر ءِ مشیر ڈاکٹر توقیر شاہ ءُ سیادی داروکیں مزنیں سرکاری حکام ءَ بہر زرتگ، وھدیکہ اقتصادی امور ءِ وفاقی وزیر احد خان چیما ءُ مزن وزیر ءِ مشیر محمد علی ءَ ویڈیو لنک ءِ وسیلگ ءَ گند ءُ نند ءَ بہر زرتگ۔
