اسلام آباد۔23مارچ (اے پی پی):صدر آصف علی زرداری ءَ گوشت کہ بیگم نصرت بھٹو ءِ زند ھمت، قربانی ءُ جمہوریت ءِ واستہ بے دروریں جزم ءِ چیدگ بوتگ۔ آئی ءَ آمریت ءِ سیاہ تریں دور ءِ گوں دلیری ءَ دیم پہ دیم بوت ءُ جمہوریت ءِ بحالی ءِ جہد ءِ رہشونی کت۔ صدر ءِ مملکت ءَ بیگم نصرت بھٹو ءِ 96می سالروچ ءِ درگت ءَ صدر ءِ ایوان ءِ پریس ونگ ءِ نیمگ ءَ جاڑی بوتگیں کلوہ ءِ تہ ءَ پاکستان ءِ راجدپتر ءِ مزنیں سیاسی کارست بیگم نصرت بھٹو ءَ را آئی ءِ 96می سالروچ ءِ درگت ءَ شگر ءُ منت پیش کت۔ بیگم نصرت بھٹو ءِ زند جمہوریت ءِ ھاترا ہمت، قربانی ءُ بے مٹیں جزم ءِ چیدگ بوتگ۔ آئی ءَ آمریت ءِ سیاہ تریں دور ءِ گوں دلیری ءَ دیم پہ دیم بوت ءُ جمہوریت ءِ بحالی ءِ جہد ءِ رہشونی کت۔ صدر ءِ مملکت ءَ گوشت کہ بیگم نصرت بھٹو ءَ صبر ءُ شرپ ءِ گوما بے دروریں ذاتی ءُ سیاسی مشکلات برداشت کتگ، وتی مرد ءِ ناانصافیں دزگیری ءُ شہادت ءِ بدترین جاور آنی دیم ءَ کپتگ ءُ سیاسی بدلہ ءِ دیمپان بوتگ۔ آئی ءَ وتی جزم ءُ آجوئی ءِ سرا مھکم بوتگ ات، ءُ پاکستان پیپلز پارٹی ءَ را یک سیاہیں دورے ءِ تہا رہشونی کتگ ات۔ صدر آصف علی زرداری ءَ گوشت کہ جمہوریت ءِ واستہ بیگم نصرت بھٹو ءِ قربانی ءُ ازمت مدام یات کنگ بنت۔ صدر ءِ مملکت ءَ گوشت کہ مرچی ما بیگم نصرت بھٹو ءِ مشن ءِ سر ءَ وتی جزم ءِ پدا پدر کن ایں ۔ اللہ تعالیٰ بیگم نصرت بھٹو ءَ را جنت ءِ تہا مزنیں مقامے بہ دنت۔
