پروفیسر احسن اقبال ء گوشتگ کہ گس، کارگس ءُ کارخانہ   ءُ  ڈگار آنی تہ ءَ آپ ءِ  رکھینگ   ء را وتی  زمہ واری   بہ پھم ات

اسلام آباد۔22مارچ  (اے پی پی):منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ آپ زند ءِ روح اِنت ءُ دیمروئی کتگیں معیشت آنی بُن ھشت ھم اِنت۔ موسمیاتی بدلی ءِ سبب ءَ یک نیمگے ءَ تباہ کنوکیں سیلاب ءِ ھترہ گیش بوھگ ءَ اِنت وھدے کہ دومی نیمگ ءَ آپ ءِ ذخائر ءِ تہ ءَ کمی ءَ چہ کشت ءُ کشاری، صنعت، توانائی ءُ روچ مرزی زند ءَ را تاوان رسگ ءَ اِنت وفاقی وزیر ءَ جہانی آپ ءِ روچ ءِ سر ءَ وتی پیغام ءِ تہ ءَ گوشت کہ اودان ءِ پاکستان ءَ را دیمروئی ءِ ھاتر ءَ پانچ اے ءِ وژن ءِ چیر دستی ءَ ما دیم ءَ روان اِنت۔ حکومت پاکستان آپی وسیلگ آنی جوانیں انتظام ءِ واستہ یکجاھیں گامگیج چست کنگ ءَ انت، ایشی ءِ تہ ءَ نوکیں ڈیم آنی جوڑیشت، نوکیں آپ ءِ نظام، آپ ءِ ری سائیکلنگ، ءُ سمارٹ واٹر مینجمنٹ ٹیکنالوجی ھوار انت۔ توانائی ءِ پیداوار، زرعی برآمدات، ءُ چاگردی انصاف — درست آپ ءِ زانتکاریں کارمرز کنگ ءِ وسیلگ ءَ ممکن انت احسن اقبال ءَ آپ ءِ جھان ءِ روچ ءَ راج ءَ را اپیل کتگ کہ آ آپ ءِ ضائع کنگ ءَ چہ بچ انت ءُ آئی ءَ را ذمہ واری ءُ زانتکاریں رنگ ءَ کارمرز بہ کن انت۔ وتی لوگ، کارگس، کارخانہ ءُ فارم آنی تہ ءَ آپ ءِ رکھینگ ءَ را وتی راجی ذمہ واری لیک اِت بیا اِت کہ ما درست یکجاہ ءَ انچیں گامگیج بہ زوریں کہ آؤکیں نسل آناں ساپ ءُ پلگاریں آپ ءِ ضمانت ءَ بہ دنت، یک انچیں پاکستان ءِ ضمانت ءَ بہ دنت کہ آ چاگرد دوست، پائیدار ءُ دیمروئی کتگ۔