اسلام آباد۔ 20 مارچ (اے پی پی) بنجائی وزیر ڈٹ بندی، شونداری و خصوصی گام گیج احسن اقبال پارینے کہ جمعیت علمائے اسلام نا سینئر راہشون و پنی آ سیاست دان حافظ حسین احمد نا کزیت نا خبر ءِ بنگٹ بھاز است ہسونی مس۔ وزارت ڈٹ بندی نا کنڈآن جاری ہڑزخواہی بیان اٹی بنجائی وزیر پارے کہ حافظ حسین احمد اسہ زیرک ءُ سیاست دان، جمہوریت پسند ءُ راہشون و نظریاتی شخصیت اس ئس، ہرا مدام اصولی سیاست کرے و ملکی سیاست اٹ اہم کڑد اداکرے۔ احسن اقبال دعاکرے کہ اللہ تعالیٰ ایماندار ءِ جنت اٹ جاگہ ایتے، درجہ غاتے بڑزکے و خاہوت ءِ صبر وجمیل عطاکے۔
