اسلام آباد۔ 20 مارچ (اے پی پی) چیئرمین سینیٹ سید یوسف رضاگیلانی جے یوآئی نا راہشون، مسکوہی قومی اسمبلی نا باسک و سینیٹر حافظ حسین احمد نا کزیت آ ڈکھیائی و است ہسونی نا درشانی ءِ کرینے۔ پنچ شنبے نادے آ سینیٹ سیکرٹریٹ آن جاری بیان نا رداٹ چیئرمین سینیٹ سید یوسف رضاگیلانی حافظ حسین احمد نا کزیت آ خاہوت و جے یوآئی نا سرکڑدہ غاتون ہڑزخواہی نا درشانی ءِ کرے۔ اوپارے کہ ایماندار زیرک سیاستدان و وضع دار پارلیمانی ءُ راہشون اس ئس، روچہ مبارک نا بابرکت وخت آتیٹی اللہ کریم نا حضور پیش مننگ یقینا حافظ صاحب نا درجہ غاتا بڑزی نا سوب مریک، رنج و غم نا داساہت اٹی غٹ ہمدردیک پدسلوک آتون ءُ۔ چیئرمین سینیٹ دعاکرے کہ اللہ تعالیٰ ایماندار نا درجہ غاتے بڑز و پدسلوک آتے صبر وجمیل عطاکے۔
