ما ہر قیمت ءَ ناشرکاریں عناصر ءَ را ہلاس کناں، انسداد ناشرکاری بالیگ ءَ را نوکیں سلاہ پجاری کناں، صدر آصف علی زرداری ءَ بلوچستان ءِ پارلیمانی گلانی باسکاں گوں گند ءُ نند کت ءُ امن ءُ ایمنی ءِ جاور ھال ءِ بابت ءَ ھاسیں دیوان ءَ گشتانک دات

اسلام آباد/ کوئٹہ۔19مارچ  (اے پی پی):صدر آصف علی زرداری ءَ گشتگ کہ بلوچستان ءِ ھاتر ءَ راج ءِ وشھالی ءِ گامگیج پائدگ مند جوڑ کنگ بنت، بلوچستان ءِ ھاتر ءَ اے وڑیں گامگیج چست کنگ بنت کہ بلوچستان ءِ راجدپتر ءِ تہ ءَ زرین گالانی تہ ءَ یات کنگ بیت، ناشرکاریں عناصر ءِ ھرچ ءُ درچ ءِ سرا ھرچ ءُ درچ کنگ بیت۔ واضح، ریاست ءَ را ناشرکاری ءِ ھلاپ ءَ جنگ ءَ زندگ بوھگ ءُ سوبمند بوھگی اِنت، ناشرکاری ءِ ھلاپ ءَ جنگ ءَ نوکیں سلاہ دیگ بنت۔ پریسنسی آف پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اے ھیالانی درشانی چار شمبے ءِ روچ ءَ کوئٹہ ءَ بلوچستان ءِ پارلیمانی پارٹی آنی ممبر آں گوں گند ءُ نند ءُ امن ءُ ایمنی ءِ جاورھال آنی ھوالگ ءَ ھاسیں دیوان ءِ سروکی کنان ءَ کت۔ بلوچستان اسمبلی ءِ تہا اپوزیشن سروک ءُ سیاسی گلانی پارلیمانی سروکاں صدر ءِ مملکت ءَ صوبہ ءِ دیم ءَ اوشتاتگیں جیڑہ ءُ الس ءِ گہبودی ءِ بابت ءَ جتاجتائیں سوج ءُ سوج پیش کتگ انت۔ گند ءُ نند ءَ پاکستان پیپلز پارٹی ءِ چیئرمین بلاول بھٹو زرداری ءَ ہم بہر زرتگ۔ آئی ءَ گوشت کہ بلوچستان ءِ الس ءَ گوں منی دل ءَ گہتریں مہر ءُ دیریں سیادی است انت، بلوچستان ءِ دیمروئی ءُ الس ءِ گہبودی مدام اولی ترجی بوتگ۔ صدر ءِ مملکت ءَ گوشت کہ ھژدہمی آئین ترمیم ءَ چہ بلوچستان ءَ ھوار صوبہ آناں وت واجہی داتگ مارا پاکستانی ءِ بستار ءَ وتی دوستیں وطن ءَ را راجی یکوئی ءَ گوں دیم ءَ برگ لوٹ ایت۔ آصف علی زرداری ءَ گشتگ کہ ما ہرکس ءَ آئی ءِ حق ءَ دئیگ لوٹیں، مہلوک ءِ حق ءَ چست کنگ نہ لوٹیں ما ایوک ءَ حق دیگ ءَ چہ مہلوک ءِ دل ءَ گریں ائید ءَ پد من بلوچستان ءَ کیمپے ٹہیناں ءُ ہرکس ءِ گپاں تفصیل ءَ گوشداراں۔ بلوچستان اسمبلی ءَ اپوزیشن ءِ سروک میر یونس عزیز زہری ءَ بلوچستان ءِ سر وزیر میر سرفراز بگٹی ءِ گامگیج ساڑاتگ انت ءُ سرجمی ءَ کمک ءِ دل یکیمی داتگ۔ گند ءُ نند ءَ قائم مقام گورنر بلوچستان کپتان (ریٹائرڈ) عبدالخالق اچکزئی ءُ سر وزیر بلوچستان میر سرفراز بگٹی ہم گون ات۔ گند ءُ نند ءَ نیشنل پارٹی ءِ سروک ڈاکٹر عبدالمالک بلوچ، پاکستان مسلم لیگ ءِ پارلیمانی رہشون میر سلیم خان کھوسہ، عوامی نیشنل پارٹی ءِ پارلیمانی رہشون انجینئر زمرک خان اچکزئی، ءُ جماعت اسلامی ءِ باسک میر عبدالمجید بادینی ساڑی اتنت۔ گند ءُ نند ءَ بلوچستان ءِ کابینہ ءِ باسک، صوبائی وزیر، پارلیمانی سیکرٹری ءُ ایم پی اے ہم ساڑی اتنت۔ اے درگت ءَ کوئٹہ ءَ صدر آصف علی زرداری ءِ سروکی ءَ امن ءُ ایمنی ءِ جاور ھالانی بابت ءَ ھاسیں دیوان ءِ برجم دارگ بوت۔ ایشی ءِ تہ ءَ ھاسیں رنگ ءَ پاکستان پیپلز پارٹی ءِ چیئرمین بلاول بھٹو زرداری ءَ بھر زوری کت۔ بلوچستان ءِ سر وزیر میر سرفراز بگٹی ءَ صوبہ ءَ امن ءُ ایمنی ءِ جاورانی سرا بریفنگ داتگ۔ اے موہ ءِ سر ءَ صدر ءَ گوشت کہ ناشرکاریں عناصر ھرچ قیمت ءَ ھلاس کنگ بنت، ناشرکار راج ءَ را بھر ءُ بانگ کنگ لوٹ اَنت، جاور ھال پدر اَنت، ریاست ءَ را زندگ بوھگی اِنت، ناشرکاری ءِ ھلاپ ءَ جنگ ءَ را سوبمند بوھگی اِنت، ناشرکاری ءِ ھلاپ ءَ جنگ ءَ را سوبمند بوھگی اِنت، ناشرکاری ءِ ھلاپ ءَ جنگ ءَ را نوکیں سلاہ پجارینگ بنت صدر ءَ گوشت کہ بلوچستان ءَ امن ءُ ایمنی جوڑ کنگ لوٹ ایت۔ بلوچستان ءِ ہر زھگ ءَ وانگجاہ ءَ گندگ ءُ زھگاں نوکیں ٹیکنالوجی ءِ آشنا کنگ وھد ءِ لوٹ اِنت۔ گند ءُ نند ءَ قائم مقام گورنر بلوچستان کپتان (ریٹائرڈ) عبدالخالق اچکزئی، چیف سیکرٹری بلوچستان شکیل قادر خان، آئی جی پولیس معظم جاہ انصاری ءُ اے دگہ مزن اگدہ داراں بہر زرتگ ات۔