صدر آصف علی زرداری ءَ امن ءُ ایمنی ءِ جاور ھالانی ھوالگ ءَ کوئٹہ ءَ ھاسیں  دیوان

اسلام آباد/کوئٹہ۔19مارچ  (اے پی پی):صدر آصف علی زرداری ءِ سروکی ءَ امن ءُ ایمنی ءِ جاورھالانی ھوالگ ءَ ھاسیں دیوان برجم دارگ بوت۔ چار شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ پاکستان پیپلز پارٹی ءِ چیئرمین بلاول بھٹو زرداری ءَ ھاسیں رنگ ءَ گند ءُ نند ءَ بھر زرتگ۔ بلوچستان ءِ سر وزیر میر سرفراز بگٹی ءَ صوبہ ءَ امن ءُ ایمنی ءِ جاورانی سرا بریفنگ داتگ۔ اے موہ ءِ سر ءَ صدر ءِ مملکت ءَ گوشت کہ ناشرکاریں عناصر ہر وڑ ءَ شکست دیگ بنت۔ ناشرکار قوم ءِ بہر کنگ ءِ جہد ءَ انت۔ صدر ءِ مملکت ءَ گوشت کہ جاور ھال پدر انت، ریاست ءَ را زندگ بوھگی انت، ناشرکاری ءِ ھلاپ ءَ جنگ ءَ را سوبمند بوھگی انت، انسداد ناشرکاری ءِ بالیگ ءَ را نوکیں سلاہ پجاری کنگ بیت۔ صدر آصف علی زرداری ءَ گشتگ کہ بلوچستان منی دل ءِ نزیک انت ءُ آ صوبہ ءِ دیمروئی ءُ دائمی ایمنی ءِ لوٹ انت ۔ آئی ءَ گوشت کہ آ بلوچستان ءِ ھمک زھگ ءَ را اسکول ءَ گندگ لوٹ ایت، ءُ زھگ آناں نوکیں ٹیکنالوجی ءَ گوں آشنا کنگ وھد ءِ لوٹ اِنت۔ گند ءُ نند ءَ قائم مقام گورنر بلوچستان کپتان (ریٹائرڈ) عبدالخالق اچکزئی، چیف سیکرٹری بلوچستان شکیل قادر خان، آئی جی پولیس معزام جاہ انصاری ءُ اے دگہ مزن اگدہ داراں بہر زرتگ ات۔