اسلام آباد۔19مارچ (اے پی پی):پاکستان ءَ یورپی یونین ءِ سفیر ڈاکٹر رینا کونکا ءَ وفاقی وزیر تجارت جام کمال خان ءَ گوں گند ءُ نند کت۔ وزارت ءِ نیمگ ءَ جاڑی بوتگیں بیان ءِ رد ءَ چار شمبے ءِ روچ ءَ گند ءُ نند پاکستان ءُ یورپی یونین ءِ نیام ءَ تجارتی سیادی آناں گیش مھکم کنگ ءُ آیوکیں کاروباری موہ آنی ھوالگ ءَ ھیال ءُ لیکہ ءِ درشان کنگ ءِ موہ بیت۔ اے فورم 14 ءُ 15 مئی 2025 ءَ اسلام آباد ءَ برجم دارگ بیت، ایشی ءِ مول ءُ مراد مزنیں تک ءِ گپ ءُ تران، کاروباری شریکداری ءِ دیمروئی، ءُ یورپی یونین ءُ پاکستان ءِ نیام ءَ تجارتی ءُ سرمایہ کاری ءِ موہ آناں پدر کنگ اِنت۔ اے مراگش ءَ سرمایہ کاری منصوبگ پیش کنگ بنت ءُ کاروباری ءُ کاروباری گروپ ءِ دیوان ءِ سیشن برجم دارگ بنت۔ فورم ءِ تہ ءَ زرعی کاروبار، آئی ٹی، مینوفیکچرنگ، ٹیکسٹائل، فارماسیوٹیکل ءُ گرین انفراسٹرکچر ءِ وڑیں کلیدی شوبگ آنی سر ءَ دلگوشی دیگ بیت دیوان ءِ یک دگہ ھاسیں گپ یورپی یونین ءُ پاکستان بزنس نیٹ ورک ءِ بندات کنگ بوتگ کہ فورم ءِ ساھت ءَ ایشی ءِ بندات کنگ بیت۔ اے نیٹ ورک ءِ تہ ءَ پاکستان ءَ کار کنوکیں 300 ءَ چہ گیش یورپی کمپنی ھوار بنت، سرمایہ کاری ءُ تجارتی سیادی آناں دیمروئی دیگ ءِ واستہ وفاقی وزیر تجارت جام کمال خان ءَ اے گامگیج ءُ اقتصادی کمک ءِ تہ ءَ یورپی یونین ءِ کرد ءِ توسیپ کت۔ آئی ءَ اے گپ من اِت کہ پاکستان ءُ یورپی یونین ءِ نیام ءَ گیش بوھوکیں بیپاری سیادی ءَ چہ مھکمیں کاروباری سیادی ءُ نوکیں سرمایہ کاری ءِ موہ پیداک بنت۔ یورپی یونین پاکستان ءِ دومی مزنیں تجارتی شریک ءُ مزنیں برآمداتی مارکیٹ اِنت، ایشی ءِ تہ ءَ دو نیمگی تجارت 2024 ءَ 12ارب یورو ءِ کساس ءَ سر بوھگ ءِ گمان اِنت۔یورپی یونین ءُ پاکستان بزنس فورم ءَ چہ نہ ایوک ءَ دوئیں دمگ آنی نیام ءَ اقتصادی سیادی ءَ را گیش کنگ بیت بلکیں دیریں اقتصادی ءُ سفارتی شریکداری ءَ را گیش مھکم کنگ بیت۔
