اسلام آباد۔18مارچ (اے پی پی):راجی سلامتی ءِ پارلیمانی کمیٹی ءَ یک تپاکی جار ءِ منظوری داتگ کہ ایشی ءِ تہ ءَ کمیٹی ءَ ناشرکاری ءِ ھرچ رنگ ءَ ھلاس کنگ ءِ ھاترا پاکستان ءِ بے مٹیں جزم ءِ پدا پدر کتگ ءُ ناشرکاری ءِ سرجمیں رنگ ءَ ھلاسی ءِ ھاترا راجی تپاکی ءِ ضلورت ءِ سر ءَ زور پر داتگ ءُ اے گپ ءِ سر ءَ زور پر داتگ، کمیٹی ءَ ناشرکاریں گلانی نیمگ ءَ سوشل میڈیا پلیٹ فارم آنی تہ ءَ پروپیگنڈا ءِ شنگ کنگ، وتی پیروکار آناں بھرتی کنگ ءُ اُرش آنی ھمگرنچ کنگ ءِ واستہ گیش بوھوکیں ناجائز کارمرد کنگ ءِ سر ءَ سکیں جیڈھ ءِ درشانی کتگ ءُ ایشی ءِ گر ءُ دار ءِ واستہ ترندیں گامگیج زورگ ءِ لوٹ کتگ۔ سئے شمبے ءِ روچ ءَ مزن وزیر محمد شہباز شریف ءَ راجی سلامتی ءِ بابت ءَ پارلیمانی کمیٹی ءِ دیوان ءِ بیان ونت۔ بیان ءِ تہ ءَ گوشگ بوت کہ راجی سلامتی ءِ بابت ءَ پارلیمنٹ کمیٹی ءِ دیوان پارلیمنٹ گس ءَ برجم دارگ بوت ایشی ءِ تہ ءَ ملک ءِ استیں ایمنی ءِ جاور ھال آنی سر ءَ چار ءُ تپاسی کنگ بوت۔ گند ءُ نند ءَ پارلیمانی کمیٹی برائے راجی سلامتی ءَ انوگیں ناشرکاری ءِ کار آناں ھاسیں رنگ ءَ مذمت کتگ ءُ آماچیں ھاندان ءِ گوما گہتری ءِ درشان کتگ۔ کمیٹی ءَ انسداد ناشرکاری آپریشن ءِ کنگ ءَ سیکورٹی فورسز ءُ کانود نافذ کنوکیں ادارگ آنی بہادری، دلیری ءُ پیشہ وارانہ لیکہ ءِ توسیپ کت ءُ ناشرکاری ءِ ھمک رنگ ءِ ھلاسی ءِ واستہ پاکستان ءِ بے دروریں جزم ءِ پدا زور دات۔ کمیٹی ءَ ناشرکاری ءِ ھلاپ ءَ راجی تپاکی ءِ ضلورت ءِ سر ءَ زور پر دات ءُ ریاست ءِ سرجمیں زور ءَ گوں اے ھترہ ءِ دیم ءَ دارگ ءِ واستہ اسٹریٹجک ءُ یکجاھیں سیاسی جزم ءِ سر ءَ زور پر دات۔ کمیٹی ءَ ناشرکاری ءِ نیٹ ورک آناں ھلاس کنگ، رسد ءِ کمک ءِ ھلاپ ءَ جنگ ءُ ناشرکاری ءُ جرم ءِ سیادی ءَ را ھلاس کنگ ءِ واستہ نیشنل ایکشن پلان ءِ سر ءَ ترندیں رنگ ءَ عمل کنگ ءِ سر ءَ زور پر دات کمیٹی ءَ ناشرکاری گل آنی نیمگ ءَ چہ پروپیگنڈا ءِ شنگ ءُ تالان کنگ ءِ واستہ پیشگی ناجائز کارمرد کنگ ءِ سر ءَ سک باز جیڈھ ءِ درشانی کت۔ اے گپ ءَ در بہ کن۔ کمیٹی ءَ ناشرکار آنی ڈیجیٹل نیٹ ورک ءَ گوں گر ءُ چیل بوھگ ءِ واستہ میکانزم آناں پدر کنگ ءِ ضلورت ءِ سر ءَ ھم زور پر دات۔ کمیٹی ءَ پاکستانی سلاہ بندیں اُرد ءُ کانود ءِ نفاذ ءِ ادارگ آنی واستہ وتی بے دروریں کمک ءِ پدر کنگ ءَ راجی دفاع ءِ واستہ آوانی قربانی ءُجزم ءِ منگ ءَ گوشت کہ ناشرکاری ءِ ھلاپ ءَ جنگ ءَ راج سلاہ بندیں اُرد، پولیس، فرنٹیئر کانسٹیبلری ءُ انٹیلی جنس ادارگ آنی گوما شانہ ءِ سر ءَ اوشتاتگ۔ کمیٹی ءَ یک رندے پدا گوشت کہ دژمنیں قوت آنی گوما ھمکوپگی ءَ کار کنوکیں ھچ ادارگ، مردم یا گل ءَ را پاکستان ءِ امن ءُ ایمنی ءَ را ھراب کنگ ءِ اجازت دیگ نہ بیت ۔ کمیٹی ءَ اپوزیشن ءِ لھتیں باسک آنی نہ بھر زوری ءِ سر ءَ اپسوز ءِ درشانی کتگ ءُ یک رندے پدا گوشتگ کہ اے درگت ءَ مشاورت ءِ عمل برجاہ بیت۔ راجی اسمبلی ءِ صدر ءِ سروکی ءَ بوتگیں دیوان ءَ مزن وزیر شہباز شریف، پارلیمانی کمیٹی ءِ باسک، سیاسی رہشون، چیف آف آرمی اسٹاف جنرل سید عاصم منیر، ارزشتی ایں وفاقی وزیر ءُ فوج ءِ مزنیں اہلکار ءُ انٹیلی جنس ادارگ ءِ مزنیں اگدہ دار نیشنل اسمبلی ءِ اسپیکر سردار ایاز صادق جار منظوری ءِ واستہ راجی سلامتی کمیٹی ءَ پیش کت ایشرا کمیٹی ءَ تپاکی ءَ گوں منظوری دات۔
