اسلام آباد۔18مارچ (اے پی پی):بنجاھی وزیر برائے مالیات ءُ آمدنی سینیٹر محمد اورنگزیب ءَ گوشت کہ اقتصادی منشور ءِ تیاری ءِ وڑیں گامگیج ستا کرز اَنت ھما وھد ءَ کہ سیاسی گل یک مشترکہ اقتصادی مول ءُ مراد ءِ سر ءَ تپاک کن اَنت حکومت اے توانائی ءَ را گیش دیمروئی ءِ لائک جوڑ کنگ ءِ ھاترا جزم اِنت۔ سئے شمبے ءِ روچ ءَ فیڈریشن آف پاکستان چیمبرز آف کامرس اینڈ انڈسٹریز ءِ ڈل ءِ گوما گند ءُ نند ءَ کنگ بوتگ۔ ڈل ءِ سروکی ءَ ایف پی سی سی آئی ءِ صدر میان عاطف اکرم، سرپرست ایس ایم تنویر، ءُ ایف ایف اسٹیل ءِ چیف ایگزیکٹو سینیٹر نعمان وزیر ءَ کتگ۔ دیوان ءِ مول ءُ مراد ایف پی سی سی آئی ءِ نیمگ ءَ تیار کتگیں اقتصادی منشور ءِ وزیر ءِ ھزانگ ءُ آئی ءِ ٹیم ءَ را پیش کنگ بوتگ۔ ڈل ءَ منشور ءِ سر ءَ سرجمیں رنگ ءَ رژنائی شنگ کتگ ءُ گوشت کہ ایشی ءِ مول ءُ مراد اقتصادی چیلنج آنی گیواری ءِ واستہ ملک ءَ سیاسی تپاکی ءِ جوڑ کنگ اِنت، پاکستان ءَ را اقتصادی بحران ءَ چہ در کنگ، ملک ءِ دیمروئی ءُ اقتصادی دیمروئی ءَ را اولیت دیگ ءُ ھاسیں رنگ ءَ گیش بوھوکیں آبادی ءِ لوٹ آناں پیلو کنگ اِنت کہ ایشی ءِ تہ ءَ ورنا آنی کرد ھاسیں رنگ ءَ المی اِنت۔ سینیٹر نعمان وزیر خٹک ءَ اقتصادی منشور ءِ تہ ءَ ھواریں تجویز ءُ سفارشات ءِ سر ءَ سرجمیں رنگ ءَ پیش کت، ایشی ءِ تہ ءَ توانائی، مالیات، صنعت ءُ جان سلامتی ءِ وڑیں کلیدی شوبگ آنی تہ ءَ ماہرین گروپ آنی جوڑ کنگ ءِ رنگ ءَ ھاسیں سول سروسز ءِ نوکیں رنگ ءَ جوڑ کنگ ھوار ات تانکہ پالیسی ءِ وسیلگ ءَ جوانیں پیسلہ کنگ ءِ ھاترا توانمند بہ بیت۔ چارٹر ءَ شمسی ءُ ہوا ءِ توانائی ءِ وسیلگ آنی سر ءَ دلگوشی دیگ ءُ مقابلہ ءِ تجارتی معاہدے ءِ مارکیٹ ءِ واستہ گیش ءَ چہ گیش 4 کلدار فی کلو واٹ ءَ وہیلنگ چارجز ءِ کیپنگ کنگ ءِ سفارش کتگ۔ پریزنٹیشن ءِ تہ ءَ دمگی تجارتی ءُ دیمروئی ءِ مالیاتی ادارگ آنی سر ءَ گیش دلگوشی دیگ ءِ سوج دیگ بوتگ ءُ کم چہ کم 20درسد وام دراجیں مدتی سرمایہ کاری ءِ واستہ ءُ 10درسد اسٹارٹ اپس آنی واستہ ایر کنگ ءِ سوج داتگ۔ ایشی ءَ ابید صنعتی دیمروئی ءِ واستہ سرجمیں ملک ءَ یک وڑیں گیس ءِ نرخ ءِ ڈھانچہ ءِ جوڑ کنگ ءِ پیشکش پیش کنگ بوتگ۔ وزیر ءِ ھزانگ ءَ ایف پی سی سی آئی ءِ ڈل ءَ را وش اتک کت ءُ اقتصادی منشور ءِ جوڑ کنگ ءِ تہ ءَ آھانی کوشست آناں ساڑات۔ آئی ءَ گوشت کہ اے رنگیں گامگیج ھما وھد ءَ المی انت کہ سیاسی گل یکجائی معاشی مکسد ءِ سر ءَ تپاک بہ بنت۔ وزیر ءِ ھزانگ ءَ 2020 ءَ پاکستان بزنس کونسل ءِ کمک ءَ کمپیکٹ اکانومی ءِ تیاری ءِ ھوالگ ءَ ھم گوشت کہ پاکستان ءِ اقتصادی ریکوری ءِ واستہ عارضی گیواری ءِ بدل ءَ دائمی، پائیدار ءُ یکجاھیں کوشست آنی ضلورت اِنت۔ آئی ءَ ڈل ءَ را دل یکیمی دات کہ حکومت صنعت آنی واستہ توان ءِ نرخ آنی تہ ءَ گیش معقول جوڑ کنگ ءُ برآمدات ءِ سروکی ءَ ءُ صنعتی دیمروئی ءَ را گیش کنگ ءِ واستہ جزم اِنت۔ ایف پی سی سی آئی ءِ ڈل ءَ وزیر ھزانگ ءُ آئی ءِ ٹیم ءِ کوشست آناں ساڑات ءُ امیت سہرا کت کہ حکومت پاکستان ءِ اقتصادی دیمروئی ءُ صنعتی کنگ ءِ جیڈھ آناں گیواری ءِ واستہ گیش گامگیج چست کنت۔ وزارت مالیات ءُ فدرال بورڈ آف ریونیو ءِ مزنیں کارندہ آں ھم دیوان ءَ بہر زرتگ۔ ایشی ءَ ابید کاروباری براتی ءِ نامداریں مردمانی تہ ءَ ایف پی سی سی آئی ءِ صدرعاطف اکرام،سینیٹرنعمان وزیر، یونائٹڈبزنس گروپ ءِ پیٹرن ان چیف ایس ایم تنویر، باسک قومی اسمبلی ڈاکٹرمرزااختیاربیگ، اسلام آبادچیمبر ءِ پیسریگیں صدراحسن بختاوری، گارڈ گروپ ءِ مومن ملک، ذخی اعجاز،طارق مھمود، ناصرقریشی، سہیل الطاف، اشفاق احمد، طارق جدون، ملک سہیل، عدیل روف، ریاض ارشد، قرت العین ءُ حامدولید ھوار بوتگ اَنت۔
