اسلام آباد۔18مارچ (اے پی پی):مزن وزیر محمد شہباز شریف 19 مارچ ءَ بگر داں 22 مارچ ءَ سعودی عرب ءِ سرکاری تر ءُ تاب ءَ کنت۔ سئے شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ مزن وزیر ءِ تر ءُ تاب ءِ مول ءُ مراد دو نیمگی سیادی ءَ را مھکم کنگ، اقتصادی کمک ءَ را گیش کنگ ءُ دوئیں ملک آنی نیام ءَ سرمایہ کاری ءَ را گیش کنگ اِنت۔ ڈل ءِ تہ ءَ نائب مزن وزیر ءُ دری کارانی وزیر سینیٹر محمد اسحاق ڈار ءِ ھوار کلیدی بنجاھی وزیر ءُ مزنیں کارندہ ھوار بنت۔ تر ءُ تاب ءِ وھد ءَ مزن وزیر سعودی ولی عہد ءُ مزن وزیر محمد بن سلمان ءَ گوں گند ءُ نند کنت ۔ دوئیں رہشون تجارت ءِ دیمروئی ءِ راہ ءُ درانی سر ءَ تران ءُ ھیال ءُ لیکہ کن اَنت، کلیدی شوبگ آنی تہ ءَ شریکداری ءَ را گیش کنگ ءُ گیشیں اقتصادی کمک ءِ آسراتی ءِ واستہ۔ بیان ءِ تہ ءَ گیش گوشت کہ وت مہ وتی مفاد ءُ جیڈھ ءِ جیڈھ آنی تہ ءَ جھان ءُ دمگی دیمروئی ھاسیں رنگ ءَ غزہ ءِ جاور ھال ءُ ھمے رنگ ءَ میاں اوستمانی ءِ جاور ھال آنی تہ ءَ دیمروئی کنوکیں جاور ھال ءُ ھمے رنگ ءَ مسلمان امت ءَ گوں سیادی داروکیں جیڈھ ایجنڈا ءِ سر ءَ ھوار بنت۔ بیان ءِ رد ءَ مزن وزیر ءِ تر ءُ تاب پاکستان ءُ سعودی عرب ءِ نیام ءَ گہتریں راجدپتری سیادی ءَ را پدر کنت ءُ دو نیمگی، دمگی ءُ جھان ءِ جیڈھ آنی سر ءَ وت مہ وتی ءِ تہ ءَ گیشیں سرپدی، تجارت، سرمایہ کاری ءِ تہ ءَ گیشیں کمک ءُ گیشیں سفارتی ھوار بوھگ ءِ راہ پچ کنت۔
