اسلام آباد۔ 18 مارچ (اے پی پی) بنجائی وزیر حوالکاری و شینکاری عطاء اللہ تارڑ نیشنل پریس کلب نا پوسکن گچین مروک آ عہدیدار آتے مبارکبادی ترسا اوفتے کن نیک است خواہی نا درشانی ءِ کرینے۔ سے شنبے نادے آتینا بیان اٹی بنجائی وزیر حوالکاری پوسکن گچین مروک آ صدر اظہر جتوئی، سیکرٹری نیئر علی ، سیکرٹری خزانہ وقار عباسی تون اوار ایلو پوسکن گچین مروک آ عہدیدار آتے مبارکبادی ترساپارینے کہ حکومت آجوئی صحافت و آجوئی درشانی سلاہ غا پور و یخین تخک۔ اوپارے کہ صحافی برادری ملک انا اہم تمبہ و پریس کلب صحافی تا سوگو توار ءِ۔ بنجائی وزیرپارے کہ پریس کلب اسہ ہندن ءُ ادارہ اسے ہر اصحافی تا حق ، آجوئی درشانی سلاہ و کسبی شونداری کن نمان کڑد ادا کننگ ءِ۔ اوپارے کہ پوسکن گچین مروک عہدیدار آتا سرسہبی داہیت انا غماز ءِ کہ صحافی برادری اوفتیا پبی پت انا درشانی ءِ کرینے۔ اودااومیت نا درشانی ءِ کرے کہ پوسکن آ سرکڑدہ صحافی تا راجی آسودہی، آجوئی صحافت و قومی مفاد اٹی جوان ءُ کڑد اس ادا کیک۔ اوپارے کہ حکومت صحافی تاویل آتا ایسری، اوفتا کسبی کاریم نا کچ اٹی ودکی و آجوئی صحافت نا مون آ دننگ کن ہرممکن کمکاری ءِ برجاتخک۔
