اسلام آباد۔17مارچ (اے پی پی):ریلوے ءِ وفاقی وزیر محمد حنیف عباسی ءَ گشتگ کہ جعفر ایکسپریس ءِ اُرش ءَ پد ٹریک ءِ بحالی ءِ کار سرجم بوتگ، پاکستان ریلوے ءِ آپریشن باندا ءَ چہ بندات کنگ بیت، بلوچستان ءَ ڈرون ءِ وسیلگ ءَ ریل آنی سر ءَ نگرانی کنگ بیت، اے پیسلہ کنگ بوتگ کہ PTICC کہ درملکی کمک ءِ سر ءَ دیمروئی کنت، سوشل میڈیا ءِ وسیلگ ءَ بھارتی پروپیگنڈا ءِ دیمروئی ءَ گندگ بوتگ، ریلوے ءِ کارندہ آنی پنشن ءِ تہ ءَ لھتیں جیڑھ ھست اَنت، آ زوت گیش ءُ گیوار کن اَنت۔ آ دوشمبے ءِ روچ ءَ پارلیمنٹ گس ءَ پد میڈیا ءَ گوں تران کنان ءَ کت۔ ریلوے ءِ وفاقی وزیر محمد حنیف عباسی ءَ گوشت کہ جعفر ایکسپریس ءِ ھواریں المناکیں وئیل بوتگ ءُ من اے وئیل ءِ بابت ءَ راج ءَ را سرپد کنگ ءَ بوتگ آں ۔ اے وئیل ءِ تہ ءَ پاکستان ریلوے ءُ ریلوے پولیس ءِ دو کارمند شھید بوتگ اَنت ءُ پاکستان ریلوے آھاں ھر یکے ءَ را 200 ھزار کلدار مالی کمک دنت آئی ءَ گوشت کہ پاکستانی سیکورٹی فورسز ءَ ھما پیشہ وارانہ رنگ ءَ یرغمال آناں رکّینگ ءِ ھاترا دیم ءَ آؤرتگ۔ یک جست ءِ پسو ءَ آئی ءَ گشتگ کہ اے وئیل ءَ ٹریک ءَ را سک باز تاوان رستگ چو کہ سیکورٹی فورسز ءَ کلیئرنس داتگ گڑا پاکستان ریلوے ءِ کارندہاں شپ ءُ روچ ٹریک ءِ بحالی ءِ ھاتر ءَ کار کتگ نوں ٹریک ءَ را بحال کنگ بوتگ۔ آئی ءَ گوشت کہ اے وئیل ءَ شھید بوتگیں درستیں مسافر سیکورٹی فورسز ءِ اودا سر بیگ ءَ پیسر ناشرکار آنی تیر گواری ءَ شھید بوتگ اَنت۔ سیکورٹی فورسز ءِ آپریشن ءِ وھد ءَ یک شہری یے ھم بیران نہ بوتگ بلے 33 اُرش کنوک بیران بوتگ اَنت۔ آئی ءَ گوشت کہ مئے دژمن لوٹ ایت ملک ناھکام بہ بیت ءُ ایشی ءِ واستہ کوشست کنگ ءَ انت۔ ریلوے ءِ وزیر محمد حنیف عباسی ءَ گوشت کہ سرجمیں راج ءَ دیستگ کہ مئے ملک ءِ اندر ءَ مار است انت۔ بھارتی رسانکدر ءَ چوں زانتگ کہ ٹرین ءِ حادثہ بوھگ ءَ اِنت ءُ آیاں اے وڑ ءَ مصنوعی ذہانت ءِ کارمرز کنگ ءَ چوں کارمرز کتگ؟ھمے وھد ءَ پاکستان تحریک انصاف ءِ سوشل میڈیا مشن کہ ملک ءِ تہ ءَ درملکی کمک ءِ سر ءَ دیمروئی کنت، انچوش سما بیت کہ آ اے پروپیگنڈا ءَ دیم ءَ برگ ءَ اَنت۔ آئی ءَ راجی سیت ءِ ھاتر ءَ ناشرکاری ءِ ھلاپ ءَ سرجمیں راج پاکستانی اُرد ءِ پُشت ءَ اوشتاتگ ءُ ملک ءِ توامیں سیاسی قوت آناں گوں دزبندی کتگ ۔ الس ءِ کمک ءَ چہ مئے سیکورٹی فورسز ناشرکاری ءِ ھلاپ ءَ جنگ ءَ سوبین بنت ۔
