اسلام آباد۔17مارچ (اے پی پی): پاکستان ءَ گوشت کہ جنوبی ایشیا ءَ امن ءُ ایمنی بھارت ءِ سختیں رویہ ءُ بالادستی ءِ عزائم ءِ سبب ءَ یرغمال انت۔ لیکس فریڈمین ءِ گوما پوڈ کاسٹ ءِ وھد ءَ بھارتی مزن وزیر ءِ گپانی بابت ءَ میڈیا ءِ جُست آنی پسو ءَ دری کارانی کارگس ءِ جارکش ءَ گوشت کہ بھارتی مزن وزیر ءِ گپ گمراہ کنوک ءُ یک نیمگی اَنت آ زانت ءُ زانگ ءَ جموں ءُ کشمیر ءِ جیڈھ ءَ را یلہ کن اَنت، کہ پاکستان ءَ را یونائیٹڈ ءِ جیڈھ ءَ را گیش ءُ گیوار نہ کتگ۔ ءُ کشمیری راج ءِ سرا نبشتہ کتگ۔ ترجمان ءَ گوشت کہ بھارت ءِ قربانی ءِ جوڑ کتگیں بیانیہ پاکستانی سرزمین ءِ سر ءَ ناشرکاری ءِ دیم ءَ آرگ ءُ بھارت ءِ ناجائزیں قبضہ ءِ جموں ءُ کشمیر ءَ ریاستی منظور کتگیں سرکوبی ءِ تہ ءَ وتی دست مان کنگ ءَ چہ پُشدر کنگ نہ بیت۔ ترجمان ءَ گوشت کہ بھارت ءَ را دگراں ملامت کنگ ءِ بدل ءَ درملکی دمگ آنی تہ ءَ ھدف مندیں کوش، شورش ءُ ناشرکاری ءِ منصوبگ بندی ءِ وتی ریکارڈ ءِ سر ءَ ھیال ءُ لیکہ کنگی اِنت۔ آئی ءَ گوشت کہ پاکستان ءَ مدام جموں ءُ کشمیر ءِ بنیاتی جیڈھ ءَ ھوار درستیں بقایا جیڈھ آناں گیواری ءِ واستہ تعمیری ھوار بوھگ ءُ پائدگ مندیں گپ ءُ تران ءِ ھکل داتگ بلے جنوبی ایشیا ءَ امن ءُ ایمنی بھارت ءِ سختیں رویہ ءُ بالادستی ءِ عزائم ءِ یرغمال انت۔ ترجمان ءَ گوشت کہ بھارت ءَ چہ درکپوکیں پاکستان ءِ ھلاپ ءَ بیانیہ دو نیمگی چاگرد ءَ را تاوان دیگ ءَ اِنت ءُ امن ءُ کمک ءِ آسراتی ءَ را رکاوٹ جوڑ کنگ ءَ اِنت کہ ایشی ءَ را بند کنگ لوٹ ایت۔
