اسلام آباد۔17مارچ (اے پی پی):وفاقی وزیر خزانہ ءُ آمدنی ءِ سینیٹر محمد آوانگزیب ءَ گوشت کہ آئی ٹی ءُ آئی ٹی ءَ گوں سیادی داروکیں ازمت پاکستان ءِ ھاسیں دیمروئی شوبگ آنی تہ ءَ ھوار اَنت ءُ حکومت آئی ٹی ءُ کشت ءُ کشاری ءِ واستہ جوانیں چاگرد ءِ جوڑ کنگ ءِ واستہ جزم اِنت آئی ءَ اے گپ دوشمبے ءِ روچ ءَ اے آئی ءِ ٹیکنالوجی ءِ گوما گند ءُ نند ءَ گوشت۔ ڈل ءِ سروکی ءَ ایفینیٹی سافٹ ویئر سلوشنز پرائیویٹ لمیٹڈ ءِ سی ای او جیروم وان کیپس ءَ کتگ ات وھدیکہ ڈل ءِ تہ ءَ ایفینیٹی ءِ سی ایف او واڈلی ہاورڈ فینک، ایم ڈی ءُ جی ایم ایفینیٹی پاکستان عثمان اصغر خان ءُ سینئر نائب صدر گلوبل ایچ آر فخار اعجاز ھوار اتنت۔ گند ءُ نند ءَ پاکستان ءَ ایفینیٹی ءِ دیمروئی کتگیں کاروباری کاروائی، ٹیلنٹ ہائرنگ، ءُ ٹیکس سسٹم ءِ ھوالگ ءَ جیڈھ آنی سر ءَ گپ ءُ تران کنگ بوت۔ جیروم وان کیپلز ءَ ایفینیٹی ءِ آپریشنل کارانی بابت ءَ سرپدی دیان ءَ گشتگ کہ کمپنی ءِ آپریشنل سپورٹ اسٹاف ءِ نزیک ءَ 80 درسد کراچی، لاہور ءُ اسلام آباد ءَ انت۔ آئی ءَ کمپنی ءِ جھان ءِ تہ ءَ گیشی ءِ سر ءَ زور پر دات ءُ گوشت کہ ایشی ءِ کسٹمر بیس نوں شمالی امریکہ، یورپ ءُ ایندگر دمگ آنی تہ ءَ ھم گیش بوتگ۔ کیپلز ءَ پاکستان ءَ دستیابیں ٹیلنٹ پول ءِ توسیپ کت ، ھاسیں رنگ ءَ انجینئر ، کمپیوٹر سائنسدان ، ءُ ٹیکنالوجسٹ ءِ توسیپ کت ءُ گوشت کہ پاکستان ءَ مزنیں کوالٹی ءِ کارکن آنی دستیابی ءِ گوما ایفینیٹی ءَ را جوانیں تجربگ بوتگ کہ ایشی ءَ کمپنی ءِ سوبمندی ءِ تہ ءَ مزنیں کردے پیلو کتگ۔ وزیر ھزانگ ءَ ڈل ءَ را وش اتک کت ءُ پاکستان ءَ ایفینیٹی ءِ دیمروئی ءُ برجاھیں سرمایہ کاری ءَ را ساڑات۔ آئی ءَ گوشت کہ انفارمیشن ٹیکنالوجی (آئی ٹی) ءُ آئی ٹی ءَ گوں سیادی داروکیں سروسز کشت ءُ کشاری شوبگ ءِ گوما پاکستان ءِ کلیدی دیمروئی شوبگ آنی تہ ءَ ھوار انت، ایشی ءِ یکفرادی برتری ایش انت کہ ایشی ءِ گیشتریں وسیلگ بنجاھی تک ءَ دست کپ اَنت۔ آئی ءَ ڈل ءَ را دل یکیمی دات کہ حکومت آئی ٹی ءُ کشت ءُ کشاری ءِ واستہ جوانیں چاگرد جوڑ کنگ ءِ واستہ جزمیگ انت۔ وزیر ءِ ھزانگ ءَ نوکیں ٹیکنالوجی ءُ ڈیجیٹلائزیشن ءِ وسیلگ ءَ ٹیکس ءِ نظام ءَ را کارآمد جوڑ کنگ ءِ مول ءُ مراد ءِ ھاتر ءَ ٹیکس اصلاحات ءِ ھوالگ ءَ ڈل ءَ را سرپد کت۔ آئی ءَ زور پر دات کہ حکومت ءِ مول ءُ مراد ٹیکس نیٹ ءَ را گیش کنگ ءُ غیر رجسٹرڈ شوبگ آناں ھوار کنگ اِنت تانکہ ٹیکس ءِ سرا گیشیں بوجھ ءِ آماچیں شوبگ آناں ریلیف دیگ بہ بیت، چوشکہ تنخواہ داریں مردم ءُ مینوفیکچرنگ شوبگ۔ وزیر خزانہ ءَ ٹیکس ریٹرن ءِ عمل ءَ را آسان کنگ ءِ واستہ حکومتی کوشست آنی سر ءَ زور پر دات۔ آئی ءَ گوشت کہ تنخواہ داریں کلاس ءِ واستہ ٹیکس ریٹرن فارم ءِ تہ ءَ فیلڈ آنی کساس کم کنگ بوتگ ایشی ءَ چہ ٹیکس نیٹ ءِ تہ ءَ گیش ھوار بوھگ ءِ گمان اِنت۔ آئی ءَ گیش گوشت کہ اے نوکیں آسان کتگیں ٹیکس ریٹرن ءِ نظام ستمبر ءَ چہ کارمرد کنگ بیت تانکہ آیوکیں ٹیکس فائلنگ ءِ موسم ءَ چہ پیسر کارمرد کنگ بہ بیت۔ گند ءُ نند ءِ ساھت ءَ وزیر ءِ ھزانگ ءَ پاکستان کرپٹو کونسل ءِ جوڑ کنگ ءِ بابت ءَ ھم سرپدی دات کہ اے نوکیں حکومتی گامگیج اِنت کہ ایشی ءِ تہ ءَ بلاکچین ٹیکنالوجی ءُ ڈیجیٹل اثاثہ آناں ملک ءِ مالیاتی نظام ءَ را یکجا کنگ بیت۔ آئی ءَ درشان کت کہ اے گامگیج ءَ چہ پاکستان ءَ را گلوبل ڈیجیٹل فنانس ءِ رجحان آنی رد ءَ دارگ ءَ کمک رسیت ءُ نوکیں ٹیکنالوجی آنی واستہ ریگولیٹری فریم ورک ءِ پجارینگ بیت۔ وزیر خزانہ ءَ ایفینیٹی ءِ وڑیں کاروبار آنی واستہ وتی سرجمیں کمک ءَ را برجاہ دارگ ءُ سرکاری ءُ نجی شوبگ آنی نیام ءَ برجائی شریکداری ءِ وسیلگ ءَ پاکستان ءَ دیمروئی ءُ وشھالی ءَ را گیش کنگ ءِ واستہ وتی عزم ءِ سر ءَ پدا زور دات۔
