اسلام آباد۔17مارچ (اے پی پی):مزن وزیر محمد شہباز شریف ءَ گوشت کہ آئی ٹی ءِ شوبگ ءَ پاکستان ءِ باصلاحیتیں کارکن آنی تہ ءَ جھان ءِ مارکیٹ ءَ مقابلہ ءِ بنیات ءَ کار کنگ ءِ صلاحیت است اِنت تانکہ آئی ٹی کمپنی آناں 25ارب ڈالر ءِ برآمدات ءِ ٹارگٹ سرجم کنگ ءِ واستہ سرجمیں آسراتی پجاری کنگ بوھگ ءَ اَنت۔ دو شمبے ءِ روچ ءَ مزن وزیر ءِ کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ آئی ءَ اے ھیالانی درشانی امریکی کثیر القومی کمپنی ایفینیٹی ءِ سروکی ءَ چار باسکی ڈل ءَ گوں گپ ءُ تران کنان ءَ کتگ ات ۔ پاکستان ءِ آئی ٹی ءِ شوبگ ءَ گیش سرمایہ کاری ءِ واستہ ایفینیٹی ءِ واھشت ءِ وش آتک کت ءُ تجویز دات کہ ایفینیٹی پاکستان ءَ را راجی ءُ میاں اوستمانی گاہک آنی واستہ یک جھان ءِ درجہ ءِ کال سینٹر ءِ جوڑ کنگ بہ بیت۔ آئی ٹی ءِ شعبہ ءَ 5 ارب برآمدات بوتگ۔ ڈل ءَ پاکستانی آئی ٹی ءِ شوبگ ءِ پیشہ ور آنی توانائی ءُ اے شوبگ ءِ دیمروئی ءِ واستہ آھانی محنت ءِ توسیپ کت ءُ گوشت کہ پاکستان ءِ آئی ٹی ءِ شوبگ سرمایہ کاری ءُ کاروبار ءِ واستہ سک باز موزوں اِنت۔ اے پاکستان ءِ پیشہ وار ءُ تربیت یافتہ کارکنانی منت ءَ انت کہ ایفینیٹی دمگ ءِ یک سوبمندیں کمپنی یے ۔
