اسلام آباد۔ 17مارچ (اے پی پی) قومی سلامتی نا بارواٹی خصوصی پارلیمانی کمیٹی نا ان کیمرہ دیوان نا وخت آ پارلیمنٹ اٹی غیرمعمولی سیکورٹی بست وبند کننگانے۔ ترجمان قومی اسمبلی نا پاننگ ءِ کہ قومی اسمبلی ٹی مروک آ قومی سلامتی نا ان کیمرہ دیوان نا وخت آ سیکورٹی نا سخت و غیرمعمولی بست وبند کننگانے، سٹی آ بندغ نا پترینگ انگ ءِ منع گوندنگانے وخت اس کہ میڈیا تون اوار غٹ انٹری کارڈ آتے عارضی وڑاٹ غیرموثر کننگانے۔ اسہ بیان اسے ٹی اوپارے کہ دیوان اٹی پارلیمنٹ نا دنگ اٹ عکس بندی، ویڈیو گرافی و فوٹوگرافی آ پورو پابندی خلنگانے۔ ترجمان قومی اسمبلی ناپاننگ ءِ کہ میڈیا نا اہمیت و گرج آتیان پورو معلومدار اُن، ولے قومی سلامتی نا رداٹ میڈیا و غٹ تعلقدار فریق آتیان کمکاری نا خواست کننگک۔
