اسلام آباد۔ 17 مارچ (اے پی پی) بنجائی وزیر خزانہ و محصولات سینیٹر محمد اورنگزیب پارینے کہ خراج نظام نا ڈیجیٹلائزیشن کن جہانی کنسلٹنگ فرم میک کینزی اینڈ کمپنی نا خذمت ءِ دوئی کرینن، دا گام انا مسخت خراج وصولی نا نظام ءِ پوسکن آ وڑتتون ہم گرنچ کننگ ءِ ہراڑآن شفافیت اٹی ودکی و محصولات آتیٹی گچینی گمانی ءِ۔ دوشنبے نادے آ قومی اسمبلی ٹی چکاری نوٹس آ ہیت کرسا اوپارے کہ میک کینزی اینڈ کمپنی نا کمک اٹ فیڈرل بورڈ آف ریونیو (ایف بی آر) نا ڈیجیٹلائزیشن کننگ انگ ءِ ہراڑآن خراج نیٹ ءِ ودفنگک و نظام اٹ شفافیت ودک۔ اوپارے کہ دا ڈیجیٹلائزیشن نا کمک اٹ انسانی مداخلت ءِ کم کننگ آن کم کننگ، خراج دُزی نا توننگ و داسیکٹراٹی اوار کننگ کن گام گیج کننگ انگ ءِ ہرا ملک انا زرگزران آ مثبت اثرمرتب کیک۔
