اسلام آباد۔ 17 مارچ (اے پی پی) قومی سلامتی نا بارواٹی خصوصی پارلیمانی کمیٹی نا دیوان ناوخت ءِ بدل کننگا ہرانا رداٹ داسہ دیوان 18 مارچ (سے شنبے نادے) دے انا 11 بجہ غا مریک۔ ترجمان قومی اسمبلی نا رداٹ روچہ مبارک نا تقدس ءِ ملحوظ خاطر تخسا ، قومی سلامتی نا پارلیمانی کمیٹی نا دیوان نا وخت ءِ دے انا 11 بجہ سے شنبے نادے آ کننگانے۔ قومی سلامتی  نا پارلیمانی کمیٹی نا دیوان اِن کیمرہ اڈ ہلیک، دیوان اٹی سیکورٹی حالیت آتیا حوال تننگک۔ دیوان اٹی عسکری سرکڑدہ، پارلیمانی کمیٹی ءِ ملک انا ساڑی آ سیکورٹی حالیت آتیان معلومدار کیک۔ قومی سلامتی نا پارلیمانی کمیٹی نا دیوان قومی اسمبلی ہال اٹی اڈ ہلیک۔ دیوان اٹی پارلیمان اٹی ساڑی آغٹ سیاسی جماعت آتا پارلیمانی لیڈر و اوفتا پندار کروک نمائندہ غاک بشخ ہلیرہ۔ کابینہ نا تعلقدار باسک آک ہم دادیوان اٹی بشخ ہلیرہ۔

متعلقہ مضامینمصنف کی طرف سے مزید