اسلام آباد۔16مارچ (اے پی پی):ریلوے ءِ وزیر مملکت بلال اظھمک کیانی ءَ گوشت کہ پاکستان یک رندے پدا ناشرکاری ءِ ھلاپ ءَ جنگ ءَ سوبمند بیت 2013ءَ ھم پیسریگیں مزن وزیر محمد نواز شریف ءِ سروکی ءَ ما ناشرکاری ءَ را یکجا کت ءُ ھلاس کت۔ جعفر ایکسپریس ءِ یرغمالاں چہ کشگ بوتگ۔ اے ھیالانی درشانی وزیر ءِ مملکت ءَ یک شمبے ءِ روچ ءَ جہلم ءِ شھیدیں پاک فوج مرزا جواد ءِ مزار ءِ تر ءُ تاب ءُ آئی ءِ کھول ءَ گوں گند ءُ نند ءَ پد میڈیا ءَ گوں تران کنان ءَ کت اَنت۔ آئی ءَ شھیدیں سرباز مرزا جواد ءِ کھول ءِ گوما ھم دلپدردی ءِ درشانی کتگ ءُ آئی ءِ برز کنگ ءِ دعا ھم کتگ۔ اے موہ ءِ سر ءَ میڈیا ءَ گوں تران کنان ءَ بلال اظھمک کیانی ءَ گوشت کہ لھتیں روچ پیسر جافر ایکسپریس ءِ المناکیں سانحہ ءِ بوتگ، مئے سیکورٹی فورسز ءَ جافر ایکسپریس ءِ سر ءَ ناشرکاری ءِ اُرش ءُ آپریشن ءِ وھد ءَ 33 ناشرکارانی کُشگ ءَ ابید 33 ناشرکاراں چہ رکینتگ۔ وزیر ءِ مملکت ءَ گوشت کہ آپریشن ءِ وھد ءَ 26 ھم وطن ھم شھید بوتگ اَنت ایشانی تہ ءَ 18 پاک اُرد ءُ ایف سی ءِ سپاھیگ بوتگ اَنت وھدیکہ 2 پاکستان ریلوے ءَ ھوار جتاجتائیں محکمہ آنی کارندہ بوتگ اَنت۔ کل ءَ 26 مردم بیران بوتگ اَنت کہ آھانی تہ ءَ لس مردم ھم ھوار اَنت۔ آئی ءَ گوشت کہ پاکستانی اُرد ءِ آپریشن ءَ چہ پیسر ناشرکاراں لس مردم شھید کتگ اَنت ءُ آپریشن ءِ وھد ءَ ھچ لس مردم شھید نہ بوتگ، ایشی ءِ واستہ ما وتی پاکستانی اُرد، ایف سی ءُ سیکورٹی فورسز ءَ را شگر ءُ منت وار ایں۔ ایشاں اے آپریشن گوں سکیں مہارت ءُ دلگوش ءَ کتگ ءُ 354 گران بھائیں مردمانی جان رکّینتگ۔ وزیر ءِ مملکت ءَ گوشت کہ اے غمناکیں وئیل ءِ تہ ءَ 26 شھید آنی تہ ءَ یکے شھید مرزا جواد جہلم ءِ دمگ دومیلی ءَ گوں سیادی دار ایت ءُ پاک فوج ءَ فوجی ءِ بستار ءَ خدمت کنگ ءَ ات۔ آئی ءَ گْوشتگ کہ مرچی ما آئی ءِ لوگ ءَ شُتیں، آئی ءِ پیرک ءُ پت، آئی ءِ برات ءُ آئی ءِ لوگ ءِ مردماں گوں گند ءُ نند کُت، وتی دلپدردی ءِ درشان کُت، شھید ءِ رُتبہ ءِ برز کنگ ءِ دعا کُت، ءُ ھاندان ءِ واستہ صبر ءُ اوپار ءِ دعا کُت۔ وزیر مملکت ءَ فاتحہ ءِ تلاوت کت ءُ دومیلی قبرستان ءَ مرزا جواد شہید ءِ کبر ءِ سر ءَ پُل ھم پیش کت۔ بلال اظھمک کیانی ءَ گوشت کہ مئے فورس ھمروچ وتی سراں ندر کنگ ءَ انت تانکہ ما درست ءُ مئے کھول ایمن بہ بنت۔ آئی ءَ گوشت کہ ما ھمک روچ وتی ورنا آنی بھادری ءُ دلیری، قربانی ءُ شھادت ءِ کسواں گندگ ءَ ایں، ایشی ءِ واستہ ما آھاں شگر ءُ سلام پیش کن ایں ءُ سلام پیش کن ایں۔ آئی ءَ گوشت کہ اے وھد ءِ لوٹ اِنت کہ ما درست وتی ورناھانی پُشت ءَ اوشتاتگ، ءُ آھاں اے پیغام ءَ دیم دیگ بہ بیت کہ آ وتی راج ءُ ملک ءِ واستہ روچ پہ روچ وتی جان ءَ را ھترہ ءَ دیگ ءَ اَنت، ایشی ءِ واستہ سرجمیں راج آھانی پُشت ءَ اوشتاتگ۔ وزیر مملکت ءَ گیش گوشت کہ پیسریگیں مزن وزیر محمد نواز شریف ءِ حکومت ءِ ساھت ءَ 2013ءَ چہ 2018ءَ سرجمیں راج وتی سلاہ بندیں اُرد ءِ پُشت ءَ یکجائی ءَ اوشتاتگ ءُ ملک ءَ چہ ناشرکاری ھلاس کنگ بوتگ۔ آئی ءَ گوشت کہ مرچی پد ءَ ھمے رنگیں یکوئی ءِ ضلورت انت بلال اظھمک کیانی ءَ گوشت کہ ناشرکار بے سریں سلاھبیں شھمک ی، زھگ ءُ زالبول آنی سر ءَ اُرش کنگ ءَ انت، ایشی ءَ ایوک ءَ نفرت ءُ ناشرکاری ءِ کارے ءُ ایشی ءِ ھچ جواز نیست۔ آئی ءَ گوشت کہ ما درست وتی سیکورٹی فورسز ءِ گوما یکجائی ءَ اوشتاتگ آں ءُ درملک ءَ چہ پاکستان ءِ ھلاپ ءَ ناشرکاری ءِ کمک کنوکیں فورسز ءِ ھلاپ ءَ ھم یکجائی ءَ آں۔ ریلوے ءِ وزیر ءِ مملکت بلال اظھمک کیانی ءَ گشتگ سرجمیں راج یکمشت انت ءُ وتی سلاہ بندیں اُرد ءِ کش ءَ اوشتاتگ ءُ انشاء اللہ پاکستان ناشرکاری ءِ ھلاپ ءَ اے جنگ ءَ سوبمند بیت ۔ اے موہ ءِ سرءَ آئی ءَ پاک ریلوے ءِ دو شہید آناں ھم یات کت کہ آھانی تہ ءَ کوئٹہ ءِ پاکستان ریلوے ءِ سرباز شمروز خان ءُ گاڑی ءِ دکان ءِ کارمند ممتاز آناں منسھمک ا ھم ھوار اَنت۔ آئی ءَ گوشت کہ ما توامیں شھید آناں سلام پیش کن آں ءُ پاک ریلوے ءِ کارندہ آناں ھم شگر ءُ منت ءَ پیش کن آں کہ آ ایمانداری ءَ گوں وتی فرض ءَ پیلو کنگ ءَ اَنت۔
