اسلام آباد۔16مارچ (اے پی پی):پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ پاکستان مدام ترکمانستان ءِ گوما اوشتاتگ ءُ گوستگیں سئے دہائی ءَ چہ آئی ءِ غیر جانبدار ءُ منصفانہ موقف ءِ حمایت کتگ۔ آئی ءَ اے گپ ترکمانستان ءِ سفارت خانہ ءِ نیمگ ءَ برجم داشتگیں ’’میاں اوستمانی امن ءِ مھکم کنگ ءِ تہ ءَ غیر جانبداری ءِ کرد ءِ بابت ءَ میاں اوستمانی کانفرنس‘‘ ءَ گوں تران کنان ءَ گوشت کہ 1995ءَ چہ آئی ءِ باقاعدہ منگ ءَ پد اے گپ پدر کتگ کہ غیر جانبداری چونیں رنگ ءَ ایوک ءَ یک پیشگی پالیشی ءِ دیمروئی ءِ ھاتر ءَ یک ستراتیژیک کارے نہ اِنت۔ آئی ءَ گوشت کہ اے مزنیں شرپ ءِ گپ اِنت کہ ما مرچی امن، غیر جانبداری ءُ میاں اوستمانی کمک ءِ اصول آنی سر ءَ یکجاھیں عزم ءِ وسیلگ ءَ یکجا ایں، آئی ءَ گوشت کہ اے کانفرنس پاکستان ءُ ترکمانستان ءِ نیام ءَ گہتریں ءُ برجائی ءِ سیادی ءِ گواہی اِنت، یک شریکداری ءِ وسیلگ ءَ گلوبل ای احترام ءِ وسیلگ ءَ گیش مھکم بوھگ ءَ اِنت۔ منی واستہ ھم مزنیں شرپے کہ من ادا اے ہال ءَ اے مچی ءِ سروکی ءَ کناں کہ اودا ترکمانستان ءَ 30 سال ءَ چہ گیش پیسر وتی دائمی غیر جانبداری ءِ پالیسی ءِ جار جتگ آئی ءَ گوشت کہ دگہ ریاست آنی تہی کار آنی تہ ءَ مداخلت نہ کنگ ءَ را دل یکیمی کنگ۔ ترکمانستان ءَ اے گپ ءِ یک زبردستیں مثالے پیش کتگ کہ غیر جانبداری ءِ سبب ءَ جہانی استحکام ءِ تہا چے پیمیں کردے پیلو کنگ بیت۔مرچی ہمے وھد ءَ کہ ما امن ءِ مھکم کنگ ءِ تہا غیر جانبداری ءِ کرد ءِ سرا تران کنگ ءَ ایں، اے گپ ءِ سرا چمشانک دیگ المی انت کہ 2025 ءَ را امن ءُ اعتماد ءِ جوڑ کنگ ءِ میان استمانی سال ءِ جار جنگ بوتگ، اے گامگیج ءِ سروکی ءَ ترکمانستان ءُ یکجاھیں جنرل 6 ءِ نیمگ ءَ چہ منظور کنگ بوتگ۔ پارلیمانی امور ءِ وفاقی وزیر ءَ گوشت کہ اے گپ ءُ تران، کمک ءُ سفارتی ھوار بوھگ ءِ وسیلگ ءِ رنگ ءَ غیر جانبداری ءِ یک جھان ءِ منگ اِنت طارق فضل چوہدری ءَ گوشت کہ گوستگیں سال آنی تہ ءَ ترکمانستان ءِ دری کارانی پالیشی ءَ وتی ھاسیں ارزشت ءِ درشان کتگ۔ تنازعات ءُ کثیر جہتی کمک ءِ سرا آئی ءَ گوشت کہ پاکستان ءَ امن ءِ واستہ یک مھکمیں شریک ءِ رنگ ءَ سک باز ارزشت داتگ ءُ دوئیں ملک آنی نیام ءَ مھکمیں سفارتی، اقتصادی ءُ دود ءُ ربیدگ ءِ سیادی است انت۔ کہ دمگی استحکام ءُ اقتصادی کمک ءِ ھاتر ءَ یک مشترکہ لیکہ ءِ سر ءَ زور دئیگ ءَ اَنت۔ آئی ءَ گوشت کہ اقتصادی کمک ءِ ھوار دوئیں ملک آنی نیمگ ءَ کثیر جہتی فورم آنی تہ ءَ یک ءُ دومی ءِ گوما مدام کمک کنگ بوتگ آئی ءَ گوشت کہ اقوام متحدہ ءِ چیردستی ءَ ترکمانستان ءِ نیمگ ءَ بندات کتگیں امن، ایمنی ءُ پائیدار دیمروئی ءِ واستہ غیر جانبداری ءِ دوستیں گل اقوام متحدہ ءِ سرپرستی ءَ امن ءِ دیمروئی ءِ واستہ یک ھاسیں میکانزم ءِ بستار ءَ کار کنت۔ آئی ءَ گوشت کہ اے وھد ءَ کہ میاں اوستمانی سیادی گیش پیچیدہ بوھگ ءَ انت، غیر جانبداری یک ارزشتی ایں وسیلگ ءِ رنگ ءَ انت کہ آ تپاوت آناں پُل کت کنت، گپ ءُ تران ءِ آسراتی ءَ دنت ءُ کثیر جہتی ءِ دیمروئی ءَ را دیم ءَ برگ ءَ انت۔ اقتصادی کمک ءُ انسانیت پسندی ءِ سرا آئی ءَ گوشت کہ اے جامع نقطہ نظر فوجی، سیاسی، اقتصادی، توانائی، ماحولیاتی، بائیولوجیکل ءُ ڈیجیٹل سیکورٹی ءَ را یکجا کنت، ایشی ءَ چہ جہانی چیلنج آنی یکے دومی ءَ گوں بندوکیں دروشم ءِ عکاسی کنگ بیت کہ ما دیم ءَ روگ ءَ ایں، اے المی انت کہ میاں اوستمانی براتی ءَ را سفارتکاری ءِ توانائی ءِ رنگ ءَ منگ بہ بیت۔ باہمی احترام، عدم مداخلت، ءُ تنازعات ءِ پرامن حل ءِ اصولاں جہانی تعلقات ءِ رہشونی کنگ لوٹیت دانکہ درستیں راجانی ھاتر ءَ یک مستحکم، وشحال ءُ ایمنیں مستقبل ءِ ضمانت دیگ بہ بیت۔
