اسلام آباد۔16مارچ (اے پی پی):وفاقی جان سلامتی ءِ وزیر سید مصطفیٰ کمال ءَ گوشت کہ پولیو ءِ سرجمیں ھلاسی راجی اولویت اِنت، پولیو ءَ چہ پاکیں پاکستان ءِ واستہ نوکیں ءُ یکجاھیں حکمت عملی المی اِنت، پولیو ءِ ھلاسی ءِ واستہ سرجمیں وسیلگ آناں کارمرد کنگ بہ بیت، ءُ پولیو ءِ ھلاسی ءِ واستہ ھم ھاندان آنی سر ءَ سرجمیں رپورٹ جوڑ کنگ بوتگ۔ یک شمبے ءِ روچ ءَ وزارت جان سلامتی ءِ جارکش ءِ نیمگ ءَ جاڑی بوتگیں بیان ءِ رد ءَ وفاقی جان سلامتی ءِ وزیر سید مصطفیٰ کمال ءَ پولیو ءِ واستہ صوبائی ایمرجنسی آپریشن سنٹر ءِ تر ءُ تاب کتگ اے موہ ءِ سر ءَ آئی ءَ را صوبائی ای او سی ءِ کارندہ آنی نیمگ ءَ چہ وش آتک کنگ بوتگ ءُ صوبائی کوآرڈینیٹر ارشاد ءِ جان سلامتی ءِ وزیر ءَ را جاری کیمپ ءِ جاور ھال آنی سر ءَ سرپدی داتگ۔ چیلنجانی دیم ءَ اتکگ۔ اے موہ ءِ سر ءَ وفاقی جان سلامتی ءِ وزیر سید مصطفیٰ کمال ءَ ویکسینیشن ءَ چہ انکار کنوکیں ھاندان آنی جیڈھ ءِ سر ءَ سرجمیں رپورٹ ءِ لوٹ کنگ ءِ وھد ءَ پولیو ءِ ھلاسی ءِ راجی مہم ءَ فرنٹ لائن کارندہ ءُ ضلعی انتظامیہ ءِ کرد ءَ را ساڑات۔ آئی ءَ پولیو ءِ ھلاسی ءِ واستہ درستیں وسیلگ آناں کارمرد کنگ ءِ ھم ہدایت کتگ کہ پولیو ءِ سرجمیں ھلاسی راجی اولویت اِنت، پولیو ءَ چہ پاکیں پاکستان ءِ واستہ گیش نوکیں ءُ یکجاھیں حکمت عملی ءِ زورگ المی اِنت۔ سندھ ءَ چہ اتکگ ءُ گشتگ کہ سندھ ءَ 43 ہزار مات ءُ پت ویکسین کنگ ءَ چہ انکار کنگ ءَ انت کہ ایشی ءِ تہا 42 ہزار ءِ نزیک ءَ کراچی ءِ مردم انت۔ آئی ءَ والدین آناں اپیل کت کہ آ اپریل ءِ راجی پولیو مہم ءِ وھد ءَ وتی زھگاں پولیو ءِ ھلاپ ءَ ویکسین کنگ ءَ را دل یکیمی بہ کن اَنت والدین آنی کمک ءَ ملک ءَ را پولیو ءَ چہ پاک جوڑ کنگ بوت کنت۔ وفاقی وزیر جان سلامتی ءَ کراچی ءِ سیوریج ءِ نمونہ آنی تہ ءَ پولیو وائرس ءِ برجاہ بوھگ ءِ سر ءَ جیڈھ ءِ درشانی کت۔ آئی ءَ گوشت کہ پولیو وائرس ءِ شنگ ءُ تالان ءَ را گر ءُ دار ءِ واستہ کمیونٹی انگیجمنٹ ءُ ویکسینیشن مہم ءَ را گیش موثر جوڑ کنگ بہ بیت۔ سندھ پولیو ءِ کوآرڈینیٹر ارشاد علی ءَ وفاقی وزیر ءَ را گوشت کہ سندھ ءَ چہ پولیو ءِ ھلاسی ءِ واستہ موثر گامگیج کنگ بوھگ ءَ انت کراچی ءَ درستیں اسٹیک ہولڈر آنی کمک ءَ یک حکمت عملی ءِ جوڑ کنگ بوھگ ءَ انت تانکہ اچ زھگ ویکسینیشن ءَ چہ محروم مہ بیت۔
