اسلام آباد – 15 مارچ (اے پی پی): مزن وزیر محمد شہباز شریف ءَ گوشت کہ وانگ ءُ زانگ ءِ جواہرات ءَ گوں زیبداریں راج آنی تہ ءَ ایوک ءَ ملک ءِ ورنا آناں کوالٹی ءِ وانگ ءُ زانگ ءِ واستہ یک وڑیں موہ آنی پھجارینگ ءِ اولی ترجی اِنت کہ ڈینش یونیورسٹی ءَ چہ وانگ ءُ زانگ ءِ دیمروئی ءِ تہ ءَ وتی جاگہ جوڑ کنگ بیت۔ شمبے ءِ روچ ءَ ڈینش یونیورسٹی آف ایمرجنگ سائنسز ءِ سائٹ ءِ چار ءُُ تپاسی ءِ مراگش ءَ گوں تران کنان ءَ مزن وزیر شہباز شریف ءَ گوشت کہ اے یونیورسٹی یک جوانیں وانگ ءُُ زانگ ءِ ادارگ ءِ رنگ ءَ ثابت بیت کہ ایشی ءِ تہ ءَ لائکیں ءُُ جوانیں استاد، پٹ ءُُ پول ءُ دیمروئی ءِ مراگش ءُُ ایپلائیڈ سائنسز ھوار بنت۔ آئی ءَ گوشت کہ سرجمیں پاکستان ءَ بازیں جوانیں ادارگ است انت، ایشی ءِ تہ ءَ اسلام آباد، لاہور، ءُُ کراچی ھوار انت بلے پٹ ءُُ پول ءُُ دیمروئی ءُُ نوکیں زانت آنی کارمرد کنگ ءِ رد ءَ منی ھیال ءَ ملک ءَ ھچ وڑیں خاصیں ادارگ نیست کہ ما آئی ءَ را دگنیا ءِ دگہ یونیورسٹی ءِ مقابلہ ءَ بہ گشیں۔ آئی ءَ گوشت کہ اللہ تعالیٰ ءِ فضل ءُُ کرم ءَ چہ ءُُ مزنیں دلجمی ءِ گوما مرچی من اے گپ ءَ پیش کنگ لوٹاں کہ اے یونیورسٹی انشاء اللہ سٹینفورڈ یونیورسٹی، آکسفورڈ یونیورسٹی، برکلے یونیورسٹی، ایم آئی ٹی ءُُ دگنیا ءِ ایندگر نامداریں وانگ ءُُ زانگ ءِ ادارگ آنی برابر ءِ یونیورسٹی جوڑ بیت۔ آئی ءَ گوشت کہ اگاں اللہ تعالیٰ منظور بہ کنت گڈا ان شاء اللہ اے یونیورسٹی ءِ اولی بھر آیوکیں سال 14اگست 2026 ءَ کار بندات بیت۔ مراگش ءِ بھر زوروکاں گوں تران کنان ءَ آئی ءَ گوشت کہ سرجمیں دگنیا ءَ شمئے سیادی ءُُ رابطہ است انت، ما اے مزنیں ادارگ ءِ فیکلٹی ءِ واستہ شمئے گوما رابطہ کن ایں ءُُ شمئے سرجمیں کمک لوٹ ایت۔ آئی ءَ گوشت کہ پاکستان ءِ حکومت ءِ اے یونیورسٹی ءِ کاروائی ءُُ کارانی گوما ھچ وڑیں سیادی نہ بیت، انچوش کہ پنجاب ءَ پاکستان کڈنی اینڈ لیور انسٹی ٹیوٹ ءِ کانود ءَ ایشی ءَ را یک بنیادے جوڑ کتگ ات، ایشی ءِ گورننگ باڈی یے بیت کہ ایشی ءَ را چلائینگ ءَ انت۔ مزن وزیر ءَ گوشت کہ ھُدا ءِ شُکر اِنت مرچی ادارگ ءِ کارکردگی جوانیں رنگ ءَ کنگ ءَ اِنت، ایشی ءَ ھزاراں جگر ءُُ گردہ ءِ پیوندکاری کتگ۔ آئی ءَ گوشت کہ یونیورسٹی ھم ھمے رنگ ءَ کار کنت چیا کہ نادراہ آنی الاج ءِ واستہ جوانیں انتظامی است انت۔ مزن وزیر ءَ گیش گوشت کہ سرجمیں پنجاب ءِ ڈینش اسکول آنی زانتکار تریں ءُُ باصلاحیتیں بچک ءُُ جنک کہ آھانی گور ءَ مالی آسراتی نیست ات، آھانی جاور ھال ناقابل بیان ات، لھتیں زھگ کہ آھانی مات ءُُ پت بیران بوتگ اتنت، آھاں اودا داخلہ زرتگ ات، ڈینش اسکولاں آھاں یک پت ءِ ساہگ داتگ ات ءُُ آھاں مات ءِ وانگ ءُُ زانگ ءِ ساھگ داتگ ات۔ مزن وزیر ءَ گوشت کہ وھدے ڈینش اسکول آنی تہ ءَ استاد آناں مارکیٹ ءِ رد ءَ پگار ءِ پیشکش کنگ بوت گڈا ایشانی تہ ءَ لھتے کہ سکیں جوانیں جاھاں وانگ ءُُ زانگ ءُُ تربیت دیگ ءَ اتنت آ وتی دمگ آنی تہ ءَ جنک ءُُ جنک آناں وانگ ءُُ زانگ ءِ جواہر ءَ چہ لیس کنگ ءِ واستہ جوڑ بوتگیں دانش اسکول آنی تہ ءَ شتگ اَنت کہ ایش ایشانی نیمگ ءَ مزنیں قربانی یے بوتگ۔ یک زالبولیں استادے ءِ حوالہ ءَ آئی ءَ گشتگ کہ آ امریکی سفارت خانہ ءَ خدمت کنگ ءَ انت بلے راجی خدمت ءِ جذبہ ءَ چہ آ دانش اسکول ءَ وانینگ ءَ اتکگ ات، اگاں کمیں پگار ءَ ہم۔ آئی ءَ گوشت کہ اگاں ڈنی وانگجاھ مہ بوتیں گڈا میتگ آنی تہ ءَ توانمند تریں جنک ءُُ بچک وانگ ءُُ زانگ ءِ جوہر ءَ چہ زبھر بنت۔ آئی ءَ گوشت کہ اگاں ما وتی زھگ ءُ جنک آناں وانگ ءُ زانگ ءِ آسراتی مہ داتیں گڈا اے ھدا ءِ داتگیں ریاست ءُ آئی ءِ سبزیں ھلال بیرک مزنی ءُ برز کنگ ءَ سوبین نہ بیت۔ آئی ءَ گوشت کہ پاکستان ءَ درست آنی واستہ جوانیں ءُُ کوالٹی ءِ وانگ ءُُ زانگ ءِ پھجارینگ سک باز المی اِنت ءُُ ھمے جذبہ ءِ گوما مرچی ڈینش یونیورسٹی 190ملین پونڈ ءِ مزنیں زرّ ءِ گوما جوڑ کنگ بوھگ ءَ اِنت۔ آئی ءَ گوشت کہ من پیسریگیں چیف جسٹس آف پاکستان جسٹس قاضی فیض عیسیٰ ءِ سک باز منت وار آں آئی ءَ گوشت کہ مارا اے زرّ ءَ گوں ھچ سیادی نیست ءُُ اے زرّ پاکستان حکومت ءِ انت۔ مزن وزیر شہباز شریف ءَ پاکستان ءِ چیف جسٹس جسٹس یحییی آفریدی ءِ ھم منت واری ءِ درشان کت آئی ءَ اے زرّ راجی خزانہ ءَ ٹرانسفر کتگ انت۔ اے درگت ءَ وزیر ءِ کانود ءِ کوشست ہم ستا کرز انت۔ مزن وزیر محمد شہباز شریف ءَ گوشت کہ ڈینش یونیورسٹی ءَ یک جوانیں کیمپس ءِ جوڑ کنگ بیت، ملک ءَ ایشی ءِ ھچ وڑیں پیشہ نہ بیت۔ آئی ءَ گوشت کہ شمئے گوما یکجائی ءَ اے یونیورسٹی ءَ را دگنیا ءِ جوانیں یونیورسٹی جوڑ کنگ بیت۔ آئی ءَ گوشت کہ اے یونیورسٹی ءَ درستیں توانمند، زانتکار ءُُ باصلاحیتیں جنک ءُُ بچک وانگ ءَ رو اَنت، ءُُ چاگردی بستار ءِ بنیاد ءَ ھچ وڑیں تبعیض نہ بیت۔ آئی ءَ گوشت کہ چاریں صوبہ کشمیر، گلگت بلتستان ءَ ھوار سرجمیں ملک ءَ چہ جنک ءُُ جنک ادا وانگ ءُُ زانگ ءِ ھاترا توانمند بنت ءُُ ایشی ءِ واستہ ایوکیں شرط میرٹ بیت، میرٹ ءَ ابید کس ءَ داخلہ نہ رسیت۔ احترام ءِ مات ءُ پت وتی زھگ ءُ جنک ءِ فیس ءَ وت دات کن اَنت بلے زانتکاریں ءُ باصلاحیتیں زھگاں وسیلگ ءِ جیڑگ مہ بیت پرچا کہ پاکستان ءِ سرکار ڈینش یونیورسٹی ٹرسٹ ءَ 10 ارب کلدار ءِ کمک ءَ کنت ءُ وھدے کہ یونیورسٹی ءَ وانگ ءُ زانگ ءُ وانینگ ءِ عمل پدا بندات بیت گڑا احترام مندیں انفرادی نودربراں گوں کمک ءَ مفت وانگ ءُ زانگ ءِ آسراتی دیگ بیت۔ آئی ءَ گوشت کہ دانش یونیورسٹی ءَ گریجویشن ءُ پوسٹ گریجویشن ءِ وانگ ءُ زانگ ءِ پجاری کنگ بیت ءُ ڈن ءِ اسکول آنی نودربر آنی واستہ ھم یک نظام جوڑ کنگ بیت تانکہ آ ادا داخلہ زورگ ءَ بہ بنت۔ آئی ءَ گوشت کہ یونیورسٹی ءِ ھوالگ ءَ باقاعدہ کار بندات کنگ بوتگ، بورڈ آف گورنرز ءِ نام آناں گڈی کنگ بوھگ ءَ انت ءُُ بورڈ ءِ تہ ءَ لائک تریں مردم آناں ھوار کنگ بوھگ ءَ انت۔ آئی ءَ گوشت کہ ڈینش یونیورسٹی ءَ میاں اوستمانی معیار ءِ آسراتی آنی پجاری دل یکیمی کنگ بیت۔ آئی ءَ گوشت کہ اے منصوبگ ءَ چہ پاکستان ءِ قسمت مٹ بیت، ھما جاہ ءَ کہ آرٹیفیشل انٹیلی جنس، آئی ٹی، اپلائیڈ سائنسز ءَ ھوار جتا جتائیں شوبگ آنی توک ءَ میاں اوستمانی کد ءُ بالاد ءِ ھیل کاری پجاری کنگ بیت. مراگش ءَ مزن وزیر ءِ نائب ءُ وزیر درئی کار اسحاق ڈار، بنجاھی وزیر وزیر منصوبہ بندی ءُ دیمروئی پروفیسر احسن اقبال، بنجاھی وزیر اھوالکاری ءُ شنگ کاری عطا اللہ تارڑ، وزیر قانون اعظم نذیر تارڑ، وزیر تعلیم وتربیت ڈاکٹر خالد مقبول صدیقی ءَ ھوار بنجاھی وزیر ، شزا فاطمہ خواجہ، ڈاکٹر طارق فضل چوہدری، طلال چوہدری، پارلیمان ءِ باسک، چیئرمین ایچ ای سی ءَ ھوار ایندگر بازیں شوبگ آنی مردم ساڑی اتنت.
