مارچ- 15 مارچ (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ حکومت ءِ فرض اِنت کہ آ گریبیں زھگ آناں مزنیں وانگ ءُ زانگ ءِ پھجارینگ ءَ بہ کنت، پاکستان ءَ را زانشتی معیشت جوڑ کنگ بیت، ڈینش یونیورسٹی ءَ را نوکیں وانگ ءُ زانگ ءِ لیکہ آنی سر ءَ جوڑ کنگ بیت، ءُُ ٹیکنالوجی ءِ ٹرانسفر ءَ را ایپلائیڈ ریسرچ ءِ وسیلگ ءَ دل یکیمی کنگ بیت شمبے ءِ روچ ءَ ادا ڈینش یونیورسٹی آف ایمرجنگ سائنسز ءِ بُن ھشت ایر کنگ ءِ مراگش ءَ گوں تران کنان ءَ وفاقی وزیر احسن اقبال ءَ گوشت کہ آئی ءَ را اے منصوبگ ءِ دیم ءَ آرگ ءِ سر ءَ فخر اِنت۔ آئی ءَ گوشت کہ مزن وزیر محمد شہباز شریف ءَ وانگ ءُُ زانگ دوستیں وژن ءِ بنیات ءَ پنجاب ءَ ڈینش اسکول جوڑ کتگ ءُ دگنیا ءِ جنوبی دمگ ءَ مزنیں وقف فنڈ جوڑ کتگ، ایشی ءَ چہ لاکھوں گریب ءُُ ناداریں نودربر آناں جوانیں ءُ کوالٹی ءِ وانگ ءُ زانگ ءِ پھجارینگ بوتگ کہ آ کدی ھم وانگ ءُ زانگ ءِ واب ءَ نہ گندگ ءَ اَنت۔ وفاقی وزیر ءَ گیش گوشت کہ ڈینش اسکول پروجیکٹ ءَ چہ نودربر آناں اسکالرشپ ءِ وسیلگ ءَ وتی واب آناں پیلو کنگ ءُ پاکستان ءَ ھوار دگنیا ءِ جوانیں یونیورسٹی آنی تہ ءَ وانگ ءِ موہ رستگ۔ آئی ءَ گوشت کہ آ وھد ءَ سقراط ءُ بقراط ٹی وی ءِ سر ءَ نشتگ ءُ ڈینش اسکول ءِ منصوبگ ءِ سر ءَ ایراد گپتگ بلے مزن وزیر وتی ھیال ءِ سر ءَ مھکمیں رنگ ءَ پابند بوتگ کہ اگاں ایچیسن کالج اشرافیہ ءِ زھگ آنی واستہ اِنت گڈا آئی ءِ حق اِنت کہ آ ایچیسن کالج ءِ لیکہ ءِ رد ءَ گریب ءُ تنگدست آنی زھگ آنی واستہ ھم مزنیں وانگ ءُُ زانگ ءِ ادارگ آنی پھجارینگ ءَ بہ کنت۔ احسن اقبال ءَ گشت کہ پدا اے واب راست بوت ءُ ڈنی اسکولانی جنک ءُ بچکاں آزمان ءِ بالاد ءَ دست جت۔ ڈینش یونیورسٹی ڈینش اسکول آنی آیوکیں پڑ اِنت کہ پاکستان ءَ را یک انچیں ادارگ ءِ بُن ھشت ایر کنگ بوھگ ءَ اِنت کہ آ نہ ایوک ءَ ملک ءَ را صنعتی انقلاب 4.0 ءُ 5.0 ءِ واستہ تیار بہ کنت بلکیں آؤکیں وھد ءَ پاکستان ءِ واستہ نوبل داد ءِ گرگ ءِ لائق بہ بیت۔ آئی ءَ گوشت کہ ڈینش یونیورسٹی پاکستان ءَ یک جدید ایپلائیڈ ریسرچ یونیورسٹی ءِ رنگ ءَ جوڑ کنگ بوھگ ءَ اِنت ایشی ءِ مول ءُ مراد یک انچیں پلیٹ فارم ءِ جوڑ کنگ اِنت کہ آ ملک ءَ اکیڈمیا ءُ انڈسٹری ءِ نیام ءَ فرق ءَ را گیش ءُ گیوار بہ کنت کہ آ مصنوعی ذہانت ءُ بائیوٹیکنالوجی ءَ چہ پائیدار ءُ معتبریں توانائی ءُ آٹومیشن، روبوٹکس آل اسپیس سائنس، اسپیس سائنس ءِ تہ ءَ ایپلائیڈ ریسرچ ءِ وسیلگ ءَ ھوار بہ بیت۔ ایشی ءِ آسر ءَ پاکستان ئَ ٹیکنالوجی ءِ ٹرانسفر بیت۔ ایجادات شروع بہ بنت ءُ مئے ادارہ ءَ چہ ٹیکنالوجی ءِ سرا مبنی اسٹارٹ اپس درکپ انت ءُ ما دنیا ءِ شریں ٹیکنالوجی ادارہانی گوما شریکداری ءِ وسیلگ ءَ ٹیکنالوجی ءِ ٹرانسفر ءَ را یقینی جوڑ کنیں۔ ڈینش یونیورسٹی پاکستان ءَ را آیوکیں وھد ءَ ھمک پڑ ءَ رہشون دات کنت۔
