اسلام آباد- 15مارچ (اے پی پی): وفاقی وزیر اھوالکاری عطا اللہ تارڑ ءَ آل پاکستان نیوز پیپرز سوسائٹی ءِ ایگزیکٹو کمیٹی ءِ نوک گچین بوتگیں کارندہ آناں مبارکی دیان ءَ گوشت کہ میڈیا کجام ھم جمہوری چاگرد ءِ تہ ءَ یک ھاسیں ستون اِنت ءُ حکومت ءَ میڈیا ءِ جیڈھ ءِ گیش ءُ گیوار ءَ را اولیت داتگ۔ شمبے ءِ روچ ءَ وتی بیان ءِ تہ ءَ وفاقی وزیر ءِ اھوالکاری ءَ سینیٹر سرمد علی ءَ را صدر گچین بوھگ ءِ سر ءَ مبارک بات دات، ناز آفرین سہگل ءَ را سینئر نائب صدر، آطہر قاضی ءَ را سیکرٹری جنرل، نائب صدر شہاب زبیری ءَ را، محسن بلال ءَ را مشترکہ سیکرٹری ءُ نوید کاشف ءَ را خزانہ ءِ سیکرٹری ءِ بستار ءَ مبارکی دات۔ آئی ءَ گوشت کہ اے پی این ایس ملک ءِ تہ ءَ شانداریں اھوالکاری روایات آنی پابندی اِنت، اے پی این ایس ءَ مدام پاکستان ءَ آزات ءُ ذمہ واریں اھوالکاری ءِ دیمروئی ءِ واستہ مزنیں کوشست کتگ۔ وفاقی وزیر ءَ گوشت کہ اے پی این ایس ءَ جمہوریت ءِ دیمروئی، صحافتی قدر آنی برجائی، ءُ الس ءِ تہ ءَ سرپدی ءِ تہ ءَ مدام سرگرمیں کرد پیلو کتگ۔ آئی ءَ گوشت کہ حکومت ءَ میڈیا ءِ جیڈھ آناں گیواری ءَ را اولی ترجی داتگ ءُ پریس ءِ آجوئی ءَ را دیمروئی دیگ ءُ میڈیا انڈسٹری ءِ دیم ءَ اوشتاتگیں جیڈھ آناں گیواری ءِ واستہ ھمک رنگ ءِ کمک پجاری کنت۔ عطا اللہ تارڑ ءَ اے اُمیت درشان کت کہ اے پی این ایس ءِ نوکیں گچین بوتگیں سروکی صحافتی ارزشتانی دیمروئی، رسانکدر ءِ صنعت ءِ دیمروئی، ءُ لس مھلوک ءَ را راست ءُ مستندیں زانتکاری ءِ پجارینگ ءِ ھاترا وتی ھزمتاں برجاہ دار ایت۔
