لاہور – 15 مارچ (اے پی پی): ریلوے ءِ وفاقی وزیر محمد حنیف عباسی ءَ گشتگ کہ پاکستان ریلوے ءِ دیم ءَ اتکگیں چیلنج آنی باوجود محکمہ ءِ بحالی، شفافیت ءُُ دیمروئی ءِ ھاتر ءَ درستیں ممکنہ گامگیج زورگ بوھگ ءَ انت۔ ٹرین آپریشن ءُ اسٹیشن آنی سر ءَ ساپ ءُ سلہ ءُ شفافیت ءَ را دل یکیمی کنگ بیت آئی ءَ اے ھیالانی درشانی شمبے ءِ روچ ءَ ریلوے ءِ بنجاہی کارگس ءَ پریس کانفرنس ءِ برجائی ءَ کت۔ اے موہ ءِ سر ءَ ریلوے ءِ سی ای او عامر عزیز بلوچ ءُُ اے دگہ افسر ھم ساڑی ات انت۔ وفاقی وزیر ءَ گوشت کہ ایم ایل ون منصوبگ ءِ بنگیج ءِ جار باز رند ءَ کنگ بوتگ، نوں ایشی ءَ را عملی رنگ ءَ آرگ بیت۔ ریلوے پولیس ءُُ انفراسٹرکچر ءِ نا شریں جاور ھال ءِ بابت ءَ گپ ءُُ تران کنان ءَ آئی ءَ گوشت کہ ریلوے پولیس ءِ تہ ءَ کارندہ آنی کمی، ناقص اسکینر ءُُ بنیاتی آسراتی آنی دست نہ کپگ ءِ سبب ءَ سیکورٹی جیڈھ گیش بوھگ ءَ انت بلے پولیس ءِ محکمہ ءَ را سرجمی ءَ کمک کنگ بیت ریلوے اسٹیشن آنی سروسز ءِ اپ گریڈیشن، کیمرہ آنی نصب کنگ ءِ تہ ءَ گیشی کنگ بیت۔ منٹ ءَ گوشت کہ مزن وزیر ءَ ٹریڈرز ایسوسی ایشن ءُ فیڈریشن چیمبر ءَ ھوار جتا جتائیں اسٹیک ہولڈر آنی گوما گند ءُ نند کتگ، آ درست ارزانیں کارگو ءِ پھجارینگ ءِ لوٹ کنگ ءَ اَنت۔ حنیف عباسی ءَ گیش گوشت کہ انچوش کہ مسافر ٹرین آنی آمدنی ءَ را گیش کنگ بوتگ، نوں کارگو سروسز ھم ارزان کنگ بنت ءُ صنعت کار آناں آسراتی دیگ بیت وھدیکہ وفاقی وزیر ءَ جار جتگ کہ اسکواٹر مافیا ءِ ھلاپ ءَ کراچی، فیصلوال آباد ءُُ فلٹریشن پلان ءَ ھوار 13 جاگہ آنی تہ ءَ آپریشن کنگ بیت۔ ریلوے ءِ گہتری ءِ ھاتر ءَ ھم ھاسیں حکمت عملی تیار کنگ بوھگ ءَ اِنت جعفر ایکسپریس ءِ سانحہ ءِ ھوالگ ءَ وفاقی وزیر ءَ گوشت کہ اے پاکستان ءِ راجدپتر ءِ تہ ءَ یک مزنیں ناشرکاری اُرشے کہ ایشی ءِ تہ ءَ 427 مسافر آناں نشانگ جوڑ کنگ ءِ سازش ناکام کنگ بوتگ۔ ٹرین ءِ سرا۔ آئی ءَ گوشت کہ ناشرکاری ءِ ھلاپ ءَ جنگ ءَ راج ءَ را یکجاھی کنگ لوٹ ایت، دژمن پاکستان ءَ را بے رھبند کنگ ءِ سازش کنگ ءَ اِنت، بلوچستان ءُُ خیبر پختونخوا ءَ برجاھیں آپریشن ھمے سازش ءِ بھر اَنت آئی ءَ گوشت کہ دژمن سی پیک منصوبگ ءَ چہ ترسگ ءَ اِنت ءُ ایشی ءَ را ناکام کنگ ءِ واستہ رکاوٹ جوڑ کنگ بوھگ ءَ اَنت، ما اقتصادی رنگ ءَ وتی ناشرکاری ءِ ھاترا رکاوٹ جوڑ کنگ بوھگ ءَ اَنت۔ s دژمن اوگانستان ءَ ھم ایمن نہ بنت۔وفاقی وزیر ءَ گوشت کہ بھارت عراق ءُُ شام ءِ لیکہ آنی سر ءَ پاکستان ءَ را نزور کنگ ءِ کوشست ءَ ھوار اِنت۔ ب پولیس ءَ سیاسی جیڑھانی بابت ءَ گپ جنان ءَ حنیف عباسی ءَ اپوزیشن گلانی سر ءَ ایراد گپتگ ءُ گْوشتگ کہ جعفر ایکسپریس ءِ سانحہ ءِ سر ءَ لھتیں سیاسی عناصراں ھمے زبان کارمرز کتگ کہ ھندوستان ءَ کارمرز کتگ۔ آئی ءَ گوشت کہ اختلاف آنی یک کِر ءَ ایر کنگ ءُُ راجی ایمنی ءِ واستہ یکجا بوھگ وھد ءِ لوٹ اِنت۔
