اسلام آباد-15 مارچ (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ پاکستان ءِ تہ ءَ سرجمیں مذھب ءُ دود ءُ ربیدگ آنی نیام ءَ رواداری، ھمگرنچی ءُ یکوئی ءِ احترام ءِ دیمروئی ءِ واستہ وتی عزم ءِ پدا پدر کنگ بوتگ ءُ اسلاموفوبیا ءِ ھلاپ ءَ جہانی جنگ ءِ تہ ءَ یک مزنیں قوت ءِ بوتگ۔ مسلمانیں کمیونٹیز ءِ سرا مسیت ءُ مقدسیں جاہ انتہائی پریشان کنوک ءُ سرجم ءَ ناقابل قبول انت کہ ایشی ءِ ھاتر ءَ زوت ءُ مھکمیں جھان ءِ پسو ءِ ضلورت انت۔ اسلام فوبیا ءِ ھلاپ ءَ جنگ ءِ میاں اوستمانی روچ ءِ موہ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ تہ ءَ نائب مزن وزیر ءُُ دری کارانی وزیر سینیٹر محمد اسحاق ڈار ءَ گوشت کہ مرچی اسلام فوبیا ءِ ھلاپ ءَ جنگ ءِ میاں اوستمانی روچ ءِ موہ ءَ پاکستان دود ءُ ربیدگ ءِ دیمروئی ءِ واستہ وتی عزم ءِ پدا پدر کنت۔ مسلمانیں راج، مسیت ءُ مقدسیں جاہانی سرا اسلام ءِ ھلاپ ءَ بیانیہ، نفرت انگیزیں گپ ءُ اُرشانی گیش بوھوکیں وئیل سک پریشان کنوک ءُ سرجم ءَ نا منّگ بیتگ ءُ ایشی ءِ ھاترا زوت ءُ مھکمیں جھان ءِ پسو ءِ لوٹ اِنت۔ آئی ءَ گوشت کہ قرآن مجید ءِ بے حرمتی ءُُ سرجمیں دگنیا ءَ مسلمان آناں برجاھیں حاشیہ ءِ تہ ءَ ایر کنگ نہ ایوک ءَ اسلامی قدر ءُ قیمت آنی سر ءَ اُرش اِنت بلکیں بنیاتی انسانی ھک ءُُ مذھبی آجوئی ءِ اصول آنی سر ءَ سنگینیں لگتمالی اِنت محمد اسحاق ڈار ءَ گوشت کہ پاکستان اسلاموفوبیا ءِ ھلاپ ءَ جھان ءِ جنگ ءِ تہ ءَ مزنیں قوت بوتگ۔ پاکستان ءَ اسلامی کمک ءِ گل ءِ گوما یکجاھی ءَ اقوام متحدہ ءِ جنرل اسمبلی ءِ 15مارچ ءَ را اسلاموفوبیا ءِ ھلاپ ءَ جنگ ءِ میاں اوستمانی روچ ءِ نامینگ ءِ راجدپتری پیسلہ ءِ تہ ءَ مزنیں کردے پیلو کتگ۔ ایشی ءَ پد پاکستان ءَ اقوام متحدہ ءِ جنرل اسمبلی ءِ نیمگ ءَ یک دگہ قرارداد ءِ منظوری ءَ ھم کلیدی کرد پیلو کتگ کہ ایشی ءِ تہ ءَ درستیں ملک آنی سر ءَ زور پر دیگ بوتگ کہ آ اسلاموفوبیا ءِ کار آناں جرم لیکگ ءِ واستہ کانود آنی سر ءَ عمل بہ کن اَنت ءُُ اقوام متحدہ ءِ سیکرٹری جنرل ءَ را ھم اے جیڈھ ءِ گیش ءُ گیوار ءِ واستہ ھاسیں نمائندہ ءِ گچین کنگ ءِ لوٹ کتگ۔ تبعیض ءِ قانون سازی ءِ اصلاحات، نفرت ءِ گپ ءِ ھلاپ ءَ جنگ ءُ باہمی احترام ءِ دیمروئی ءِ ھاترا حقیقی بین المذاہب گپ ءُ تران ءِ دیمروئی ءِ یقین دنت۔ ایشی ءَ ابید سوشل میڈیا پلیٹ فارم آناں نفرت انگیزیں گپ ءِ شنگ کنوک آناں احتساب کنگ ءُُ اسلاموفوبیا ءَ را گیش کنوکیں تاوان باریں مواد ءِ ھلاسی ءَ را دل یکیمی کنگ لوٹ ایت۔ آئی ءَ گْوشتگ: بیا اِت یک انچیں دگنیا یے جوڑ بہ کن اِیں کہ ایشی ءِ تہ ءَ ھرچ مذھب ءِ مردم یکے دومی ءِ ھمگرنچی ءَ زندگ بہ بنت، اودا ترس ءِ سر ءَ سرپدی ءُ یکے دومی ءِ احترام چہ تپاکی ءَ گیش بہ بیت۔
