اسلام آباد۔14مارچ (اے پی پی): منصوبہ بندی، دیمروئی، اصلاحات ءُ ھاسیں گامگیج آنی بنجاھی وزیر احسن اقبال ءَ گشتگ کہ اسلام ءِ تہا انتہا پسندی ءِ گنجائش نیست انت کہ ہچ راج اخلاقی قدر ءُ قیمت، محنت ءُ جہد ءِ وسیلگ ءَ دنیا ءِ تہا عزت داریں مقام ءِ رسگ ءَ انت ایوک ءَ مئے اسلاموفوبیا ءِ وسیلگ ءَ۔ آئی ءَ اے ھیالانی درشانی جمعہ ءِ روچ ءَ اقوام متحدہ ءِ اسلاموفوبیا ءِ ھلاپ ءَ جنگ ءِ میاں اوستمانی روچ ءِ موہ ءَ برجم داشتگیں سیمینار ءَ گوں گشتانک دیان ءَ کت احسن اقبال ءَ گوشت کہ اسلام امن ءُ رواداری ءِ مذہب اِنت۔ اسلام ءِ تہا انتہا پسندی ءُ رادیکالزم ءِ گنجائش نیست۔ ہر راج اخلاقی قدر، محنت، ءُ جہد ءِ وسیلہ ءَ دنیا ءِ تہا یک شرپداریں مقامے ءِ ہاترا رس اِت کنت۔ احسن اقبال ءَ گشتگ کہ مذہب ءِ نام ءِ سرا انتہا پسندی ہچ رنگ ءَ قبول نہ انت۔ راج تھنا وانگ ءُ زانگ ءِ وسیلہ ءَ دیمروئی کن اَنت۔ بغداد، اندلس ءُ گرانادا ءِ یونیورسٹی وتی زمانگ ءِ ہارورڈ، سٹینفورڈ ءُ آکسفورڈ بوتگ انت۔ پدا کم کم ءَ مسلمان چہ وانگ ءُ زانگ ءَ دور بوت اَنت اسلام زانت ءِ استاد یا یہودی اِنت یا عیسائی اِنت مارا اسلام زانت ءِ پڑ ءَ استادانی کمی اِنت۔ احسن اقبال ءَ گشتگ کہ یک سیاسی گلے ءَ مذہب ءِ کارڈ لئیب کنگ ءَ ملک ءِ معیشت تباہ کتگ ۔ انوگیں زمانگ ءِ جیڑہانی گیش ءُ گیوار پیغمبر صلی اللہ علیہ وسلم ءِ زندنامہ ءِ تہا اِنت۔ ما ایوک ءَ وتی کارانی وسیلگ ءَ اسلاموفوبیا ءِ ھلاپ ءَ جوانیں رنگے ءَ جنگ کت کنیں۔ بنجاھی وزیر احسن اقبال ءَ گوشت کہ اسلاموفوبیا ءِ ھلاسی ءِ واستہ اجتماعی کوشست آنی ضلورت اِنت کہ وانگ ءُ زانگ ءِ ادارگ آناں نوکیں نسل ءَ را اسلام ءِ راستیں تعلیمات ءِ بابت ءَ سرپدی دیگی اِنت اگاں دو ءُ نیم ارب مسلمان پیغمبر محمد صلى الله عليه وسلم ءِ نام ءَ مرگ ءِ واستہ تیار اَنت گڑا دنیا ءِ تہا ہما تہذیب دیم بیت اِنت ہما تہذیب کہ علم ءُ زانت ءَ دیم اَنت۔
