اسلام آباد۔14مارچ (اے پی پی): راجی اسمبلی ءِ اسپیکر سردار ایاز صادق ءَ گوشت کہ مذاکرات جیڈھ آنی گیواری ءِ یکیں راہ اِنت، البت مذاکرات کسے ءِ ذات یا زاتی ایجنڈا ءِ چیر دستی ءَ مہ بنت بلکیں راجی مفاد ءِ واستہ بہ بنت آئی ءَ گوشت کہ ایوان ءَ را کانود ءُ پارلیمنٹ ءِ رد ءَ چلائینگ بہ بیت۔ جمعہ ءِ روچ ءَ مغل گارڈن آف پارلیمنٹ ہاؤس ءَ میڈیا ءِ نمائندگاں گوں تران کنان ءَ آئی ءَ گوشت کہ موسمی بدلی بوھگ ءَ انت اے جاور ھال ءِ لوٹ انت کہ گیش ءَ چہ گیش درچک کشی کنگ بہ بیت ءُ ملک ءَ را سبز ءُ سرسبز کنگ بہ بیت۔ ما پیسر ءَ چہ جنگلانی گیشیں کٹائی ءِ سبب ءَ موسمیاتی بدلی ءِ آماچ ایں ۔ آئی ءَ گوشت کہ جھان ءِ آلودگی ءِ تہ ءَ پاکستان ءِ کرد سک کم اِنت، بلے گیش ءَ چہ گیش ما تاوان ءِ آماچ ایں۔ یک جستے ءِ پسہ ءَ راجی اسمبلی ءِ اسپیکر ءَ گشتگ کہ منی ذات ءِ سرا ہم ایراد گرگ بیت من ءَ حوالدار گشگ بیت کہ ایشی ءِ سرا من ءَ پخر انت ۔ ھوالدار دو وڑ اَنت: دز گیر کنوک ءُ پہ ڈیھ ءُ راج ءَ وتی سراں ندر کنوک۔ آئی ءَ گْوشتگ کہ ایف سی ءِ سپاھیگ کہ شھید بوتگ اَنت آ ھم ھوالدار بوتگ اَنت ۔ اولی ایش کہ آ اے فیصلہ بہ کن انت کہ آ من ءَ کجام تبک ءِ حوالدار ءَ لیکگ لوٹ انت۔ من ھما مردمانی منت ءَ گرگ لوٹاں کہ من ءَ اے لقب داتگ کہ آیاں اے گپ من اِتگ کہ من یک نیمگے آں ءُ آ دومی نیمگ ءَ اَنت۔ آئی ءَ گوشت کہ اے گپ ءِ سر ءَ ایراد گرگ بوھگ ءَ اِنت کہ اے ایوان ناجائز اِنت اگاں اے ایوان ناجائز اِنت گڑا ایشی ءِ کمیٹی ناجائز نہ اَنت کہ آھانی سروکی ءَ اے مردم کنگ ءَ اَنت ءُ پگار زورگ ءَ اَنت؟ کجام پگار ناجائز نہ اِنت؟ اپوزیشن رہشون ءِ کلوہ ءِ حوالہ ءَ آئی ءَ گشتگ کہ منی بیم ایش انت کہ من ءَ گپ ءِ موہ دیگ نہ بیت۔ من ریکارڈ چیک کت۔آئی ءَ یک کلاکے ءُ بیست ءُ یک منٹ ءَ گپ جت ءُ پدا دراتک ءُ گشت کہ مارا گپ جنگ ءِ موہ نہ دیگ بیت آئی ءَ گشت کہ اپوزیشن دہ منٹ ءَ ایوان ءَ کیت ءُ پدا اپوزیشن ءَ را لس جیڑہانی گیش ءُ گیوار ءَ دلچسپی نیست۔ آنس۔ دگہ جستے ءِ پسو ءَ آئی ءَ گوشت کہ من اپوزیشن ءِ نیمگ ءَ السی جیڈھ آنی ھوالگ ءَ دراہیں ریکارڈ الس ءِ دیم ءَ ایر کن آں، ایوان ءَ کانود ءُ پارلیمانی کارروائی ءِ رد ءَ چلائین آں، من ءَ اپوزیشن ءِ نیمگ ءَ ایراد ءِ پریشان نہ اِنت۔ راجی اسمبلی ءِ صدر ءَ گوشت کہ ہر جیڈھ ءِ گیواری گپ ءُ تران ءِ وسیلگ ءَ کنگ بیت گپ ءُ تران ءِ دروازگ مدام پچ انت گپ ءُ تران راجی مفاد ءِ تہ ءَ بہ بیت ءُ ذاتی ایجنڈا آنی سر ءَ سر بوھگ ءِ واستہ نہ انت۔ پارلیمانی کمیٹی پہ گپ ءُ تران ءَ جوڑ کنگ بوتگ ءُ گپ ءُ تران جیڑہانی گیش ءُ گیوار ءِ تہنا راہ اِنت۔
