اسلام آباد۔14مارچ (اے پی پی): بنجاھی وزیر ھزانگ ءُ گپ ءُ گیر سینیٹر محمد اورنگزیب ءَ گوشت کہ جی ایس پی پلس ءِ آسراتی ءِ نوک کنگ ءِ واستہ یورپی دارالحکومت آنی گوما گیش فعال رابطہ آنی ضلورت اِنت۔ رہشوناں وت مہ وتی دلچسپی ءِ بازیں جیڈھ آنی سر ءَ تران کت ھاسیں رنگ ءَ یورپی یونین ءُ پاکستان ءِ نیام ءَ کاروباری ءُ سرمایہ کاری سیادی ءَ را گیش مھکم کنگ ءِ سر ءَ تران کت۔ آئی ءَ پاکستان ءَ یورپی کاروبار آنی واستہ موہ آنی سر ءَ ھم چار ءُ تپاسی کت ءُ سرمایہ کاری ءِ واستہ جوانیں چاگرد ءِ ضلورت ءِ سر ءَ زور پر دات تانکہ گیش بوھوکیں کاروباری موہ آناں سرجمی ءَ کارمرد کنگ بہ بیت۔ ڈاکٹر کیونکا ءَ گوشت کہ یورپی یونین ءَ پاکستان ءَ کار کنوکیں 300 ءَ چہ گیش یورپی کمپنی آناں احاطہ کتگ ءُ آئی ءِ گمان انت کہ ادا گیش ءَ چہ گیش کمپنی ھم است انت۔ ڈاکٹر کیونکا ءَ یورپی یونین مشن ءِ نیمگ ءَ مئی 2025 ءِ میان ءَ اسلام آباد ءَ برجم دارگ بوھوکیں بزنس ءُ سرمایہ کاری فورم ءَ بھر زوری ءِ دعوت ھم دات ءُ گوشت کہ اے فورم ءَ پاکستان ءَ یورپی کاروباری سرمایہ کاری ءَ را دیمروئی دیگ ءُ یورپی کاروبار آناں ملک ءَ را راجیگ کنگ ءِ سر ءَ دلگوشی دیگ بیت۔ ءُ آئی ءَ را فورم ءِ برجم دارگ ءِ تہ ءَ سرجمیں کمک ءِ دلجمی دات۔ وزیر خزانہ ءَ فورم ءَ بہر زورگ ءُ گشتانک دیگ ءِ ارادہ ءِ درشانی کت ءُ وتی جزم ءِ درشانی کت کہ حکومت پاکستان ءَ یورپی کمپنی آناں آسراتی ءِ واستہ وتی زبردستیں کوشستاں برجاہ دار ایت ایشی ءِ تہ ءَ منافع ءِ وھد ءِ سر ءَ ٹرانسفر ءَ را دل یکیمی کنگ ھوار اِنت۔ وزیر خزانہ ءَ یورپی کمپنی آنی واستہ یک فعال ءُ یکجاھیں کاروباری پلیٹ فارم ءِ جوڑ کنگ ءِ جیڈھ ءَ را وش اتک کت ءُ اے گپ ءِ سر ءَ زور پر دات کہ آئی ءَ گوستگیں روچ آنی تہ ءَ فرانسیسی ءُ ڈچ کمپنی آنی گوما جوانیں گپ ءُ تران کتگ۔ وزیر ءِ ھزانگ ءَ ھاسیں رنگ ءَ جنرلائزڈ اسکیم آف پریفرینسز پلس (جی ایس پی پلس) ءِ آسراتی ءِ ارزشت ءِ سر ءَ زور پر دات ءُ گوشت کہ اے آسراتی پاکستان ءِ برآمدات ءِ تہ ءَ گیشی ءِ واستہ مزنیں ارزشت ءِ واھند اِنت۔ آئی ءَ گوشت کہ آیوکیں سال آنی تہ ءَ یورپی یونین ءِ گوما پاکستان ءِ تجارتی سیادی آنی واستہ اے رنگیں ھوار بوھگ المی اِنت، فریق آناں پاکستان ءُ یورپی یونین ءِ نیام ءَ اقتصادی ءُ تجارتی سیادی آناں گیش مھکم کنگ ءِ واستہ وتی جزم ءِ سر ءَ پدا زور پر دات ءُ دوئیں نیمگ آنی واستہ سوبمندیں ءُ نپ مندیں کاروباری چاگرد ءِ جوڑ کنگ ءِ ارزشت ءِ سر ءَ تپاک کت۔
