اسلام آباد۔14مارچ (اے پی پی): بنجاھی وزیر تجارت جام کمال خان ءَ عمان چیمبر آف تجارت ءُ صنعت ءِ چیئرمین فیصل عبداللہ الرواس ءَ گوں مشکت ءَ گند ءُ نند کت۔ جمعہ ءِ روچ ءَ جاڑی بوتگیں بیان ءِ رد ءَ گوستگیں روچ ءَ برجم داشتگیں دیوان ءَ پد چیئرمین عمان چیمبر آف کامرس اینڈ انڈسٹری ءَ بنجاھی وزیر ءِ شرپ ءَ افطار ءِ شپ ءِ ورگ ءِ میزبانی ھم کتگ اے موہ ءِ سر ءَ پاکستان ءِ سفارت خانہ ، اوپونی پورٹ عمان ءَ بزنس چمن ءِ کمک ءَ کاروباری نیٹ ورکنگ سیشن ءِ ھم برجم دارگ بوتگ۔ باہمی تجارتی موہاں پٹ ءُ پول کن اِت۔ گند ءُ نند یک کلاک ءَ چہ گیش بوتگ، ایشی ءِ تہا پاکستان ءُ عمان ءِ نیام ءَ دو نیمگی تجارت ءِ دیمروئی ءِ بابت ءَ گپ ءُ تران کنگ بوتگ۔ چیئرمین فیصل الرواس ءَ عمان چیمبر آف کامرس اینڈ انڈسٹری ءُ ایشی ءِ دمگی کارگس آنی نیمگ ءَ چہ سرجمیں کمک ءِ دل یکیمی دات ءُ عمان ءِ مارکیٹ ءَ را پاکستانی پیداوار ءَ چہ سیلاب گندگ ءِ واھشت ءِ درشان کت۔ دوئیں نیمگ ءَ اقتصادی کمک ءَ را گیش دیمروئی دیگ ءِ واستہ عمان چیمبر آف کامرس ءُ پاکستان فیڈریشن آف چیمبر آف کامرس اینڈ انڈسٹری ءِ نیام ءَ یکجائی کاروباری کونسل ءَ را فعال کنگ ءِ سر ءَ تپاک کنگ بوتگ۔ بنجاھی وزیر تجارت جام کمال خان ءَ اے موہ ءِ سر ءَ گوشت کہ مئے استیں تجارتی کچ ءُ کساس مئے سیادی آنی راستیں گہتری ءِ درشان ءَ نہ کن اَنت۔ بس رسد ءُ مواصلات ءِ رکاوٹاں دور کنگ ءَ ما انوگیں تجارتی حجم ءَ دو چہ سئے رند ءَ گیش کنیں۔ اے مول ءُ مراد ءِ سرجم کنگ ءِ راہ دوئیں ملک آنی چیمبر آف کامرس ءِ وسیلگ ءَ اِنت۔ مارا عمان چیمبر آف کامرس اینڈ انڈسٹری ءُ پاکستان ءِ جتا جتائیں چیمبر آف کامرس ءُ صنعت آنی نیام ءَ سیادی ءَ را گیش کنگ ءِ ضلورت اِنت۔ کاروباری براتی ءِ نیام ءَ جوڑ کنگ بہ بیت ءُ پاکستانی برانڈز ءُ کاروباری ادارگاں عمان ءَ وتی پاد ایر کنگ ءِ دعوت دیگ بہ بیت، تانکہ عمان ءِ سرمایہ کار دوستیں پالیشی آں چہ فائدہ چست کنگ بہ بیت گند ءُ نند ءَ پد دوئیں نیمگاں کاروباری شخصیتاں گوں گند ءُ نند کتگ۔ آئی ءَ نزیک ءَ دو کلاک ءَ سوداگر آنی گوما نندگ ءَ پد آھانی کاروبار ءِ بابت ءَ سرپدی زرتگ ءُ پاکستان ءِ پیداوار آنی کوالٹی ءُ تنوع ءِ ساڑاھگ ءِ واستہ اے تر ءُ تاب پاکستان ءُ عمان ءِ نیام ءَ تجارتی ءُ سرمایہ کاری ءِ موہ آنی تہ ءَ گیشی ءِ نیمگ ءَ یک مزنیں گامگیج اِنت ایشی ءَ چہ دوئیں ملک آنی نیام ءَ اقتصادی سیادی ءَ را گیش مھکم کنگ ءَ کمک رسیت۔
