اسلام آباد۔ 13 مارچ (اے پی پی) اسپیکر قومی اسمبلی سردار ایاز صادق جعفر ایکسپریس آپریشن نا سرسہبی اٹ پوروی آ سیکورٹی فورس آتے پبی خراج تحسین پیش کرساپارینےکہ یرغمال شاری تے بازیاب کرفنگ آ پاک فوج و سیکورٹی فورس آتا کارکڑد ستاکڑزک۔ پنچ شنبے نادے آ تینا اسہ بیان اسے ٹی اوپارے کہ سیکورٹی فورس آتا ورناتا کسبی مہارت و فوج انا سپہ سالار نا متحرک سرکڑدہ ئی نا سوب جعفر ایکسپریس آپریشن آن بیدس بھلو نسخان اسے نا تکمیل مس۔ اسہ مشکل ءُ آپریشن اس بے کچ مہارت اٹ پورو کننگا۔ اوپارے کہ ننا بہادر ورناو آفیسر آک بہادری و دلیری نا درشانی ءِ کریر۔ اسپیکر قومی اسمبلی سیکورٹی فورس آتا ورناو ٹرین نا مسافر آتا شہیدی آ ڈکھیائی و غم انا درشانی ءِ کرے و شہید آتیکن بخشش نا دعا و خاہوت آتیکن صبر وجمیل نا دعاکرے و پارے کہ کودک شاری تا جان و مال ءِ نسخان تروک آتا اسلام و دا ملک اتون ہچ ءُ تعلق اس اف۔ اوپارے کہ حکومت و ریاست کودک شاری تیا جلہو کروک آتے ہرپڑآ شکست تننگ کن سنبرینگوک ءُ۔
