اسلام آباد۔ 13مارچ (اے پی پی) بنجائی وزیر انفارمیشن ٹیکنالوجی و ٹیلی کمیونیکیشن شزہ فاطمہ خواجہ پارینے کہ پاکستان و آذربائیجان نا نیام اٹ ٹیکنالوجی و ڈیجیٹل السی خذمت آتیٹی کمکاری آ امنا کننگانے، وزارت آئی ٹی نا ’’ون سٹاپ شاپ‘‘ ماڈل کاروباری و سرکاری خذمت آتیٹی آسانی اتیک۔ سمارٹ اسلام آباد ڈٹ السی خذمت نا گچینی ٹی اسہ اہم ءُ گام اسے۔ پنچ شنبے نادے آ وزارت انفارمیشن ٹیکنالوجی و ٹیلی کمیونیکیشن آن جاری بیان نا رداٹ آذربائیجان نا سفیر خضرفاردوف بنجائی وزیر آئی ٹی و ٹیلی کمیونیکیشن شزافاطمہ خواجہ تون اہم اوڑدہی کرے۔ اوڑدہی ٹی پاکستان و آذربائیجان نا نیام اٹ ڈیجیٹل کمکاری ءِ مون آ دننگ آ گپ وتران کننگا۔ شزافاطمہ پارے کہ وزیراعظم پاکستان نا دورہ غان پد ہڑتوم آ کنڈآتا کمکاری پین سوگو مسنے۔ پاکستان و آذربائیجان نانیام اٹ ٹیکنالوجی و ڈیجیٹل السی خذمت آتیٹی کمکاری آ امنا کننگا۔ اوپارے کہ آسان خذمت مرکز آتیا پاکستان وآذربائیجان نا نیام اٹ گپ وتران کننگا۔ وزیراعظم نا وژن: السی خذمت آتا باسہولت و گچین فراوانی اولیت ءِ۔
