اسلام آباد۔18جولائی (اے پی پی) مسلم لیگ(ن) ئِ رہنما سینیٹر کلثوم پروین ئَ گشتگ کہ مزن وزیر ئَ چہ دست کشی ئِ لوٹ کنگ آئین ئِ ھلاپ اِنت، پانامہ کیس ئِ تہا جے آئی ٹی ئِ رپورٹ گڈی نہ اِنت وھدے کہ کسئَ جے آئی ٹی ئِ رپورٹئَ تاں انگت نہ ونت۔ سئے شمبے ئِ روچئَ مزن گسئِ ڈنئَ ھال درئِ گوما گپءُ تران کنانئَ آئیئَ گشتگ کہ اے وڑئَ کہ اپوزیشن مزن وزیر ئَ چہ دست کشی ئِ لوٹئَ کنگئَ اِنت آئی ئَ راسرپدی لوٹ ایت کہ اے وڑئَ یک سرکاری ملازمے ھم وتی دست کشی ئَ نہ دنت۔ اپوزیشن گلاناں ملکئِ دگہ جیڑھءُ جنجالانی نیمگئَ دلگوشی کنگ لوٹ ایت۔آئی ئَ گشتگ کہ جے آئی ٹی ئِ رپورٹ ئَ تاں انگت کسئَ دلجمی ئِ گوما نہ ونت ءُ نہ جے آئی ٹی ئِ رپورٹ گڈی اِنت، مئے وکیل آمید گسئَ مقدمہ ئِ گوشدارگ ئِ وھدئَ وتی دلائل ئَ دیئگ ئَ اَنت وھدے کہ مزن وزیر ئَ جے آئی ٹی ئِ رپورٹ ئِ ھلاپ ئَ دزبندی جم کتگ۔ آمید گس ھرچ پیسلہ ئَ کنت مارا قبول بیت۔
