کوئٹہ۔18جولائی (اے پی پی) پاکستان مسلم لیگ(ن) ئِ بنجاھی سینئر نائب صدر سینیٹر سردار یعقوب خان ناصر ئَ دکی ئَ را جتاھیں ضلع جوڈ کنگئِ محکمہ ریونیو ئِ جاری کتگیں نوٹیفیکشن ئَ را وش اَتک کتگءُ گشتگ کہ بلوچستانئِ سروزیر نواب ثناءاللہ خان زہری ئِ ذاتی دلچسپی ءُ کوشستانی برکتئَ مرچی دکی ئَ را ضلعئِ درجگ دیئگ بوتگ کہ ایشی ئِ سرئَ دکی ئِ نندوکیں مردمانی نیمگئَ چہ بلوچستان ئِ سروزیر نواب ثناءاللہ خان زہری ئَ گورنر بلوچستان محمد خان اچکزئی ءُ چیف سیکرٹری بلوچستانئَ ھوار بورڈ آف ریونیو ئِ مزنیں حکام ئِ شگرءُ منت گپتگ، اے ھیالانی درشانی آئیئَ دکی ئَ وتی لوگئَ جتاھ جتاھیں ڈلانی گوما گپءُ تران کنانئَ کتگ۔ اے موھئِ سرئَ دکی ئِ سیاسی ءُ سماجی رہنما، ڈاکٹر، وکیل، صحافی براتی ءُ بیپاری تنظیم آنی عہدگ داراں دکی ئَ را ضلعئِ درجگ دیئگ ئِ سرئَ سینیٹر سردار یعقوب خان ناصر ئَ را مراد بات داتگ ءُ آئیئَ ھار گورئَ داتگ ءُ مٹھائی بھرءُ بانگ کتگ، سینیٹر سردار یعقوب خان ناصر ئَ گشتگ کہ دکی ئَ را جتاھیں ضلع ئِ درجگ داتگءُ اُلسئَ گوں کتیں یک دگہ سوگندے پیلو کتگ۔
