اسلام آباد۔ 17جولائی (اے پی پی) سپریم کورٹ نا مسہ باسکی بینچ پاناما دستاویز آتا کیس انا سماعت ئِ اینوسے شنبے اسکان ملتوی کرے۔ عدالت عظمیٰ نا جج جسٹس اعجاز افضل نا سروکی ٹی مسہ باسکی عملدرآمد بینچ اٹی جسٹس اعجاز الاحسن و جسٹس عظمت سعید شیخ اوار ئُ۔ دوشنبے نا دے سپریم کورٹ نا مسہ باسکی بینچ کیس انا سماعت ئِ کرے تو پی ٹی آئی نا وکیل نعیم بخاری، جماعت اسلامی نا وکیل توفیق آصف و عوامی مسلم لیگ نا سروک شیخ رشید احمد دلیل تسر۔ وزیراعظم نا وکیل خواجہ حارث دلیل تسکہ کہ سماعت ئِ سے شنبے نا سہب اسکان ملتوی کرے۔ خواجہ حارث دلیل ترساپارے کہ او اِرا متفرق درخواست دائر کرینے اوفتیان اسہ درخواست اسے ٹی جے آئی ٹی نا رپورٹ نا پنہ 10 ئِ فراوان کننگ و ارٹ میکو درخواست جے آئی ٹی نا رپورٹ آ اعتراض آتا بابت آن ئِ۔ خواجہ حارث اینو ہم تینا دلیل آتے برجاءتخک۔
