دھماکہ ٹی 10 آن 12کلو بارودی مواد کاریم اٹ اتنگا، بمب ڈسپوزل اسکواڈ
پشاور۔ 17جولائی (اے پی پی) پشاور نا علاقہ حیات آباد اٹی باغ ناران نا خڑک خودکش دھماکہ ٹی فرنٹیئر کور (ایف سی ) نا میجر جمال تون اوار اِرا کارندہ تپاخت، و 4ایف سی کارندہ غاتون اوار 11بندغ ٹھپی مسر۔ پولیس نا رداٹ خودکش جلہو گیر موٹرسائیکل آ سوار ئس خودکش جلہو گیر تینا موٹرسائیکل ئِ فرنٹیئر کور نا گاڈی تون ڈوک خلک ہراٹی میجر جمال و اسہ کارندہ اس موقع غا شہید و 11بندغ ٹھپی مسر، ہرافتے دمدستی وڑاٹ حیات آباد میڈیکل ہسپتال و سی ایم ایچ پشاور آ گدریفنگا۔ دھماکہ غان دمدستی پد سیکورٹی کارندہ غاک واقعہ نا جاگہ ئِ گھیڑ اٹی ہلسا جاست وپاست نا بنائِ کریر، بمب ڈسپوزل اسکواڈ نا رداٹ دھماکہ ٹی 10 آن 12کلو بارودی مواد کاریم اٹ اتنگا، وخت اس کہ خودکش جلہو گیر خودکش جیکٹ اس ہم بیناسس، دھماکہ نا بابت مستی جاست وپاست برجائِ۔
