مسہ عدالت آتیان نروک آ ایلوتا احتساب نا ہیت ئِ ہراباٹی کننگ ئِ، عمران خان خیبر پختونخوا نا احتساب کمیشن نا تالائِ ملسا تینا باہ ئِ قلف اس خلے ، پارلیمنٹ نا جلہوکروک آ اینو پارلیمنٹ نا شرف نا ہیت ئِ کننگ ئِ
اسلام آباد۔ 16جولائی (اے پی پی) وزیر مملکت اطلاعات و نشریات و قومی میرات مریم اورنگزیب پارینے کہ مسہ عدالت آتیان نروک آ ایلوتا احتساب نا ہیت ئِ ہراباہ ٹی کننگ ئِ ، عمران خان خیبرپختونخواہ نا احتساب کمیشن نا تالا ئِ ملسا تینا باہ ئِ قلف اس خلے۔ پارلیمنٹ آ جلہو کروک آ اینو پارلیمنٹ نا شرف نا ہیت ئِ کننگ ئِ،ادارہ غاتے کرینگ تروک آ بندغ ادارہ غاتا شرف نا ہیت ئِ کننگ ئِ، زکواة نا پیسہ غاتیا منی لاﺅنڈرنگ کروک آ اینو ایلو تیا دوتے بڑز کننگ ئِ، عمران صاحب نی سہی پاریس نے پاکستان نا الس ہلیپک ، مچ آ قوم خننگ ئِ نی اسہ دُز ، دروغ و ذہنی مریض اسے اُس ، عمران صاحب ہرادے نوازشریف تینا کارندہ غاتے پارے تو پاکستان اٹی ڈکھنگ نا جاگہ ہم ملیپک ۔ یک شنبے نا دے تینا اسہ بیان اسے ٹی اوپارے کہ خیبر پختونخواہ نا احتساب کمیشن نا تالا ئِ ملسا تینا باہ ئِ قلف اس خل۔اوپارے کہ پارلیمنٹ آ جلہو کروک آ اینو پارلیمنٹ نا شرف نا ہیت ئِ کننگ ئِ، ادارہ غاتے کرینگ تروک آ بندغ ادارہ غاتا شرف نا ہیت ئِ کننگ ئِ۔ اوپارے کہ زکواة نا پیسہ غاتیا منی لاﺅنڈرنگ کروک آ اینو ایلوتیا دوتے بڑز کننگ ئِ، سپریم کورٹ آ گندہ ئُ پچ لوڑونک کروک آ اینو سپریم کورٹ نا رکھ انا ہیت ئِ کننگ ئِ۔ اوپارے کہ عمران صاحب نا ورکرز آک نا اصلیت ئِ چاہسا ایلو پارٹی تیٹی اوار مننگ ئُ، عمران صاحب انتس کہ نی تیناورکر آتون کننگ اُس اوفتے مچ آ پاکستان خننگ ئِ، عمران صاحب تحریک انصاف تو کرپٹ ٹولہ نا جماعت اس جوڑ مسنے۔ اوپارے کہ عمران صاحب ہرادے نواز شریف تینا کارندہ غاتے کال تس نے پاکستان اٹی ڈکھنگ نا جاگہ اس ہم ملیپک۔ اوپارے کہ مسہ عدالت آتیان نروک آ ایلوتا احتساب نا ہیت ئِ ہراباہ ٹی کننگ ئِ ، عمران خان صاحب سپریم کورٹ نا فیصلہ نا انتظار ئِ کر ہروارآنبار وزیراعظم سرسہب مریک و نے شرمندگی مریک۔ مریم اورنگزیب پارے کہ عمران صاحب نی سہی پاریس نے پاکستان نا الس ہلیپک۔ مچ آ قوم خننگ ئِ نی اسہ دُز ، دروغ و ذہنی مریض اسے اُس۔
