اسلام آباد۔ 16جولائی (اے پی پی) امریکہ ٹی پاکستان نا سفیر اعزاز احمد چوہدری پارینے کہ مذہب نا پن آ ڈوہ تا مرتکب عنصر آک اسلام نا حقی عکس ئِ پیش کپسہ، ورجینیا ٹی اسہ دود اسے آن تران کرسا اوپارے کہ اسلام امن و آشتی ، مابت و رواداری نا مذہب ئِ۔ اوپارے کہ امریکہ ٹی رہینگوک پاکستانی امریکہ ٹی زند انا چندی بشخ آتیٹی بے کچ اہم کڑد ادا کننگ ئُ۔ اوپاکستانی نژاد امریکی تیا زور شاغا کہ او تینا ساڑی آ ہنکین نا ملک و تینا باوہ پیرہ ئی آ وطن نا نیام اٹ پول انا کڑد ئِ ادا کیر۔
