اسلام آباد۔ 15جولائی (اے پی پی) بنجائی وزیر اسحاق ڈار سبکدوش مروک آ گورنر اسٹیٹ بینک اشرف محمود وتھرا نا پروفیشنلزم و عزم انا ستائِ کرسا پارینے کہ اشرف محمود تمام مد اٹی تینا کاریم تون مخلص مس و مالیاتی پالیسی آ شفاف عملدرآمد و سرمایہ نا منڈی نا ریگولیشن اٹی نمان کڑد ادا کرے۔ داہیت ئِ او سبکدوش مروک آ گورنر اسٹیٹ بینک تون ہیت وگپ کرسا پارے ہرا ہفتہ نا دے بنجائی وزیر تون سپاروکی اوڑدہی کرے۔ اسحاق ڈار گورنر اسٹیٹ بینک انا حیثیت اشرف محمود وتھرا نا خذمت آتا ستائِ کرے و تینا مد ئِ سرسہبی اٹ پورو کننگ آ اودے مبارکبادی تس۔ وزیر خزانہ اشرف محمود وتھرا نا پروفیشنلزم و عزم انا ستائِ کرے۔ سبکدوش مروک آ گورنر اسٹیٹ بینک اشرف محمود وتھرا سرکاری زمواری تیٹی پورو کمکاری آ بنجائی وزیر خزانہ نا منت واری ئِ ادا کرے۔ داوخت آ وزیر خزانہ پوسکن آ گورنر اسٹیٹ بینک طارق باجوہ نا خیرمقدم ئِ کرے و اوڑکن نیک است خواہی نا درشانی ئِ کرے۔ وزارت خزانہ و واپار نا سیکرٹریز و ایلو سینئر کمامدارآک ہم داوخت آ ساڑی ئسر۔
